पावसाळा सुरू होताच ताप, सर्दी, खोकला यांसारख्या समस्या वाढू लागतात. हवामानातील बदलामुळे अनेकांना ताप येतो आणि तो साधा व्हायरल किंवा सर्दीमुळे आला असावा, असे गृहित धरले जाते. मात्र, ४८ तासांपेक्षा जास्त काळ ताप टिकत असेल, तर तो गंभीर संसर्गजन्य आजाराचे लक्षण असू शकतो, असा इशारा डॉक्टरांनी दिला आहे. इंटर्नल मेडिसिन तज्ज्ञ डॉ. मिहिर हिरेमठ यांनी सोशल मीडियावर शेअर केलेल्या माहितीनुसार, तापासोबत शरीरातील काही विशिष्ट लक्षणांकडे दुर्लक्ष करणे धोकादायक ठरू शकते. (monsoon) अशावेळी स्वतःहून औषधे घेण्याऐवजी तातडीने डॉक्टरांचा सल्ला घेणे आवश्यक आहे. जर ताप दोन दिवसांपेक्षा जास्त काळ कायम राहिला आणि त्यासोबत खालीलपैकी कोणतीही लक्षणे दिसली, तर त्वरित वैद्यकीय तपासणी करून घ्या. सतत खोकला श्वास घेण्यास त्रास अंगावर पुरळ येणे रक्तस्त्राव होणे तीव्र अंगदुखी आणि अशक्तपणा
डॉक्टरांच्या मते, ही लक्षणे डेंग्यू, मलेरिया, चिकुनगुनिया, इन्फ्लूएंझा किंवा लेप्टोस्पायरोसिस यांसारख्या आजारांची असू शकतात.ताप आला म्हणून स्वतःहून अँटीबायोटिक्स घेऊ नका अनेक जण ताप आला की डॉक्टरांचा सल्ला न घेता अँटीबायोटिक्स सुरू करतात. मात्र, हा गंभीर चुकीचा निर्णय ठरू शकतो. डेंग्यू, चिकुनगुनिया आणि इन्फ्लूएंझा हे विषाणूजन्य (व्हायरल) आजार आहेत. अशा आजारांवर अँटीबायोटिक्सचा कोणताही परिणाम होत नाही.विनाकारण अँटीबायोटिक्स घेतल्याने अँटीबायोटिक रेझिस्टन्सचा धोका वाढतो. योग्य निदान आणि उपचार सुरू होण्यास उशीर होऊ शकतो. पावसाळ्यात साचलेल्या घाण पाण्यात चालणे टाळा
पावसाळ्यात रस्त्यांवर साचलेले पाणी केवळ त्वचेसाठीच नव्हे, तर संपूर्ण आरोग्यासाठी धोकादायक ठरू शकते. डॉक्टरांच्या मते, पायावर अगदी छोटी जखम असली तरी त्या मार्गाने जीवाणू शरीरात प्रवेश करू शकतात आणि लेप्टोस्पायरोसिस होण्याचा धोका वाढतो. (monsoon) हा आजार मूत्रपिंड, यकृत आणि फुफ्फुसांवर गंभीर परिणाम करू शकतो.घाण पाण्यात चालणे शक्यतो टाळा.बाहेरून आल्यावर पाय साबणाने स्वच्छ धुवा.
पायावर जखम असल्यास ती व्यवस्थित झाकून ठेवा. घरातच डासांची पैदास वाढू शकते अनेकांना वाटते की डास फक्त बाहेरच वाढतात. मात्र, पावसाळ्यात घरातील साचलेल्या पाण्यातही डास मोठ्या प्रमाणात वाढतात. या ठिकाणी विशेष लक्ष द्या फुलांच्या कुंड्या एसीची ड्रिप ट्रे कूलर पाळीव प्राण्यांचे पाण्याचे भांडे कुंड्यांखालील ताटे
या ठिकाणी पाणी साचू देऊ नका आणि नियमित स्वच्छता करा. घरात ओले कपडे वाळवताना सावध राहा सतत घरात ओले कपडे वाळवल्याने घरातील आर्द्रता वाढते. (monsoon) त्यामुळे बुरशी आणि धूळकिड्यांची वाढ होऊन श्वसनाचे आजार बळावू शकतात. यामुळे पुढील समस्या वाढण्याचा धोका असतो.दमा ॲलर्जी सायनस श्वसनाचे इतर विकार जर घरातच कपडे वाळवावे लागत असतील, तर खिडक्या उघड्या ठेवा, पंखा सुरू ठेवा किंवा शक्य असल्यास डिह्युमिडिफायरचा वापर करा.पावसाळ्यात ४८ तासांपेक्षा जास्त काळ ताप राहणे ही साधी बाब नाही. तापासोबत इतर लक्षणेही दिसत असतील, तर घरगुती उपाय किंवा स्वतःहून औषधे घेण्याऐवजी त्वरित डॉक्टरांचा सल्ला घ्या. वेळेत निदान आणि योग्य उपचार घेतल्यास गंभीर गुंतागुंत टाळता येऊ शकते.
हेही वाचा :
शेतकऱ्यांनो कर्जमाफी यादीत नाव कसं तपासाल?
