मुंबई : भारत आणि पाकिस्तान देशांमध्ये युद्धसदृश वातावरण निर्माण झाले आहे. पहलगाम हल्ल्याच्या प्रत्युत्तरात भारताने केलेल्या ‘ऑपरेशन सिंदूर’नंतर आता पाकिस्तानकडूनही भारतातील शहरांवर हल्ले केले जात आहेत. याच पार्श्वभूमीवर शुक्रवारी, आठवड्याच्या शेवटच्या व्यापार दिवशी, भारतीय शेअर बाजार(stock market) उघडताच जोरदार आपटला आहे. बाजाराच्या प्री-ओपनिंगला सेन्सेक्स तब्बल 3 टक्क्यांनी खाली आला तर, निफ्टीमध्येही 1 टक्केपेक्षा जास्त पडझड दिसत आहे.
भारत आणि पाकिस्तानमधील वाढत्या तणाव आणि युद्धाच्या भीतीमुळे आज देशांतर्गत शेअर बाजारात विक्री सुरू आहे. आजच्या व्यवहारात, सेन्सेक्स आणि निफ्टी दोन्ही निर्देशांक लालेलाल झाले. प्रमुख निर्देशांकांबद्दल बोलायचे झाले तर निफ्टीवर बँक, आयटी, FMCG, फार्मा, फायनान्शियल, ऑटो, मेटल आणि रिअल्टी निर्देशांक आपटले आहेत. टायटन, एलटी, टाटा मोटर्स टॉप गेनर्स ठरले तर पॉवरग्रिड, एटरनल, एशियन पेंट, अदानी पोर्ट्स, टाटा स्टील सर्वाधिक तोट्यात राहिले.
शुक्रवारी, भारतीय शेअर बाजारात(stock market) मोठ्या घसरणीसह व्यवहार सुरू झाले. भारत आणि पाकिस्तानमधील वाढता भू-राजकीय तणाव, जो गुरुवारी बाजार बंद झाल्यानंतर समोर आला यामागचे मुख्य कारण ठरलं. दोन्ही देशांमधील अलीकडच्या घडामोडींचा परिणाम शुक्रवारी बाजारावर दिसून येऊ शकतो आणि सेन्सेक्स व निफ्टी50 मध्ये मोठी घसरण होऊ शकते पण, दोन्ही प्रमुख निर्देशांक कमी सर्किटमध्ये येण्याची नसल्याचे विश्लेषकांचे म्हणणे आहे.
शुक्रवारी, बाजाराच्या ओपनिंगला सेन्सेक्स मागील 80334.81 वरून तब्बल 1300 अंकांनी खाली आला आणि 78968.34 वर उघडला. त्याचवेळी, निफ्टीने आदल्या दिवसाच्या 24273.8 वरून 23935.75 वर ओपनिंग केली. अशाप्रकारे, बाजाराच्या प्री-ओपनिंगला देशांतर्गत बाजारात मोठ्या घसरणीसह ओपनिंग झाली पण, काही मिनिटांत पुन्हा दोन्ही निर्देशांक रिकव्हरी मोडवर आले. बाजाराच्या ओपनिंगला बीएसई सेन्सेक्स 409.38 अंकांनी घरून 79925.43 वर तर, निफ्टी 24,150 च्या खाली आला.
ब्रिटनसोबतच्या व्यापार करारामुळे अमेरिकन बाजारात जोरदार तेजी दिसून आली. नॅसडॅक एक टक्क्यांहून अधिक वधारला. या दरम्यान, अमेरिकेचे उपाध्यक्ष जे.डी. व्हान्स यांनी एक मोठे विधान केले आणि म्हणाले की भारत-पाकिस्तानात अमेरिका हस्तक्षेप करणार नाही.
हेही वाचा :
शेतकऱ्यांना झटका! सरकारने घेतला मोठा निर्णय
मनसेचा मनपा प्रशासनाला इशारा 24 तासांत ध्वज बदला अन्यथा….
9 मे ची रात्र चमत्कारिक! ‘या’ 5 राशींचा गोल्डन टाईम सुरू होणार
