सध्या सोशल मीडियावर कॉकरोच जनता पार्टीचा एक व्हिडीओ व्हायरल झाला आहे. या व्हिडीओमध्ये आंदोलन संपताच अभिजीत दीपके पासून सौरव दास जंगी पार्टी करताना दिसत आहेत.
गेल्या काही दिवसांपासून देशात कॉकरोच जनता पार्टी ही चांगलीच चर्चेत आहे. नीट पेपर फुटी प्रकरणी केंद्रीय शिक्षण मंत्री धर्मेंद्र प्रधान यांच्या राजीनाम्याची मागणी या पार्टीने केली होती. त्यासाठी त्यांनी लाखो विद्यार्थ्यांसोबत मिळून दिल्लीतील जंतर मंतर येथे आंदोलन केली. सीजेपीच्या सर्व सदस्यांनी नीट पेपरफुटी प्रकरणानंतर विद्यार्थ्यांनी आत्महत्या केल्याचा मुद्दा उचलून धरला होता. शेवटी धर्मेंद्र प्रधान यांना राजीनामा द्यावा लागला. त्यानंतर विद्यार्थ्यांमध्ये आनंदाचे वातावरण पाहायला मिळाले. (Cockroach Janata Party) आता एका बड्या नेत्याने सीजेपीचा इनसाईट व्हिडीओ शेअर केला आहे. हा व्हिडीओ पाहून अनेकांना धक्का बसला आहे.
दिल्लीतील भारतीय जनता पक्षाचे (भाजप) नेते तजिंदर बग्गा हे सोशल मीडियावर प्रचंड सक्रिय असतात. त्यांनी कॉकरोच जनता पार्टीचा एक व्हिडीओ सोशल मीडियावर शेअर केला आहे. या व्हिडीओमध्ये आंदोलन संपल्यानंतर सीजेपीचा संस्थापक अभिजीत दीपके पासून पार्टीचे इतर सदस्य सौरव दास वैगरे जंगी पार्टी करताना दिसत आहेत. (Cockroach Janata Party) सर्वजण एका गाण्यावर डान्स करताना दिसत आहेत.तजिंदर बग्गा यांनी त्यांच्या अधिकृत एक्स अकाऊंटवर सीजेपीचा पार्टी करतानाचा व्हिडीओ शेअर केला आहे. हा व्हिडीओ शेअर करत त्यांनी, मला वाटले होते की CJP त्या २१ विद्यार्थ्यांच्या मृत्यूमुळे शोक करत आहे. पण प्रत्यक्षात, ते त्या मृत्यूंचा वापर केवळ निषेध, राजकारण आणि प्रसिद्धीसाठी करत होते. आता ते पार्ट्या करण्यात मग्न आहेत या आशयाचे कॅप्शन दिले आहे. सध्या सोशल मीडियावर हा व्हिडीओ तुफान व्हायरल झाला आहे. अनेकांनी या व्हिडीओवर कमेंट्स केल्या आहेत.
सोशल मीडियावर हा व्हिडीओ व्हायरल होताच संमिश्र प्रतिक्रिया आल्याचे पाहायला मिळत आहे. एका यूजरने, ‘आताची पिढी.. ते सर्व काही उघडपणे करत आहेत. पण फेकू आणि डाकू यांना आता काळजी वाटेल’ अशी कमेंट केली आहे. तर दुसऱ्या एका यूजरने, एवढं सगळं झाल्यानंतर पार्टी तो बनती है ना असे म्हटले आहे. तिसऱ्या एका यूजरने, इतक्या कठोर परिश्रमानंतर (Cockroach Janata Party) त्यांनी आनंद साजरा केला पाहिजे आणि पुढच्या गोष्टीसाठी सज्ज झाले पाहिजे!! या पार्टीला उपस्थित असलेल्या सर्वांची ओळख पटली आहे. या प्रकरणाकडे लक्ष दिल्याबद्दल धन्यवाद असे म्हटले आहे.
हेही वाचा :
दिवसा होणार अंधार, ऑगस्ट महिन्यात मोठे सूर्यग्रहण, तब्बल इतके तास?
नीटनंतर MPSC चा महत्वाचा पेपर फुटल्याचा धक्कादायक दावा, संपूर्ण राज्यात खळबळ?
