मुंबईसह आसपासच्या शहरांतील प्रवाशांसाठी मोठा दिलासादायक निर्णय समोर आला आहे. नवी मुंबई आंतरराष्ट्रीय विमानतळ लवकरच प्रवासी सेवेसाठी सज्ज होत असून, आंतरराष्ट्रीय विमान उड्डाणांची तारीख निश्चित करण्यात आली आहे. (Airport) यासोबतच मालवाहतूक विमानसेवाही सुरू होणार असल्याने या विमानतळाचे महत्त्व आणखी वाढणार आहे.
नवी मुंबई आंतरराष्ट्रीय विमानतळावरील सर्व आवश्यक कामे अंतिम टप्प्यात पोहोचली असून, विमानसेवा सुरू करण्यासाठी प्रशासनाकडून वेगाने तयारी सुरू आहे. विमानतळ प्रशासनाने दिलेल्या माहितीनुसार, (Airport) प्रवासी उड्डाणांसह आंतरराष्ट्रीय कार्गो सेवा देखील एकाच टप्प्यात सुरू करण्यात येणार आहे.हजारो प्रवाशांसाठी महत्त्वाच्या ठरणाऱ्या या प्रकल्पामुळे मुंबई आणि आसपासच्या भागातील प्रवास व्यवस्था अधिक सुलभ होणार आहे. विशेषतः परदेशात जाणाऱ्या प्रवाशांना वाढत्या गर्दीमुळे होणारा त्रास कमी करण्यासाठी हा विमानतळ महत्त्वाची भूमिका बजावणार आहे.
नवी मुंबई विमानतळाचे मुख्य कार्यकारी अधिकारी भारततुला शर्मा यांनी या संदर्भातील सविस्तर माहिती दिली आहे. (Airport) त्यांच्या म्हणण्यानुसार, येत्या 15 जुलैपासून विमानतळावरून आंतरराष्ट्रीय प्रवासी उड्डाणांना सुरुवात होईल. त्याच दिवशी मालवाहतूक विमानांची सेवाही कार्यान्वित केली जाणार आहे.प्रारंभीच्या टप्प्यात देशातील प्रमुख विमान कंपन्या एअर इंडिया एक्सप्रेस आणि इंडिगो नवी मुंबई विमानतळावरून आंतरराष्ट्रीय सेवा उपलब्ध करून देणार आहेत. या नव्या पर्यायामुळे मुंबई आणि ठाणे परिसरातील नागरिकांना परदेश प्रवासासाठी छत्रपती शिवाजी महाराज आंतरराष्ट्रीय विमानतळ यावर अवलंबून राहावे लागणार नाही.
हेही वाचा :
लाडक्या बहिणींसाठी मोठी अपडेट! मे महिन्याचे 1500 रुपये बँक खाते करा चेक?
