जालना जिल्ह्यातून एक खळबळजनक बातमी समोर येत आहे. एका १८ वर्षीय तरुणीने आत्महत्या केल्याचं समोर आलं आहे. प्रियकराच्या बदनामीच्या धमक्यांना कंटाळून आत्महत्या केल्याचं समोर आला आहे. तरुणीचा मृतदेह प्रियकराच्या घरी आढळून आल्याने गावात एकच खळबळ उडाली आहे. शिवानी गिरी असे या मृत तरुणीचे नाव आहे. याप्रकरणी पोलिसांनी आरोपी विशाल आघामसह पाच जणांवर गुन्हा दाखल केला आहे. आरोपीला न्यायालयात हजार केले असता न्यायालयाने चार दिवसांची पोलीस कोठडी सुनावली आहे.
ही घटना जालना जिल्ह्यातील भोकरदन तालुक्यातील फत्तेपूर गावात घडली आहे. एका १८ वर्षीय शिवणीने आत्महत्या केल्याची धक्कादायक घटना घडली आहे. शिवणीने बॉयफ्रेंडच्या बदनामीच्या धमकीला कंटाळून हा टोकाचं पाऊल उचल्याच समोर आलं आहे. विशेष म्हणजे तिचा मृतदेह प्रियकराच्या घरी आढळून आला आहे. त्यामुळे संपूर्ण गावात एकाच खळबळ उडाली आहे.
शिवानीला तिचा बॉयफ्रेंड विशाल आघाम याने तिची बदनामी करण्याची धमकी दिली होती. त्यामुळे ती मानसिक तणावाखाली येऊन तिने आत्महत्येचं टोकाचा पाऊल उचलल्याचे पोलिसांचा प्राथमिक अंदाज आहे. या प्रकरणात भोकरदन पोलीस ठाण्यात विशाल आघामसह आणखी चार जणांविरुद्ध आत्महत्येस प्रवृत्त केल्याचा गुन्हा दाखल करण्यात आला आहे.
