“महाराष्ट्राच्या पवित्र भूमीवर अध्यक्ष म्हणून माझे हे पहिले आगमन आहे. संपूर्ण महाराष्ट्रात आणि देशभरात गणेशोत्सव साजरा केला जात आहे, माझ्यासाठी हा सौभाग्याचा क्षण आहे”
“विकसित भारताकडे आपल्या भारताला नेणारा आपला पक्ष म्हणजे भाजपं, जो जगातल्या सगळ्यात मोठा पक्ष आहे. जगातल्या सगळ्यात मोठ्या पक्षाचे अध्यक्ष नितीन नबीन जे नव्या पिढीच, नवीन जनरेशनचं प्रतिनिधीत्व करतात. एकप्रकारे भाजपने या ठिकाणी ज्या प्रकारे नव चैतन्य, नवीन रक्त आणलय संघटनेत. (president) त्याचं प्रतीक नबीन जी आहेत” अशा शब्दात मुख्यमंत्री देवेंद्र फडणवीस यांनी भाजपचे राष्ट्रीय अध्यक्ष नितीन नबीन यांचं कौतुक केलं. नितीन नबीन आज मुंबई दौऱ्यावर आहेत.
“चारवेळा बिहारमधून सातत्याने ते आमदार म्हणून निवडून आले. महाराष्ट्राचे प्रभारी म्हणून अनेक वर्ष महाराष्ट्रात येत होते. (president) महाराष्ट्राच्या अनेक कार्यकर्त्यांना ते जवळून ओळखतात. महाराष्ट्राच्या कानाकोपऱ्यात त्यांचा परिचय आहे. गणेशोत्सवाच्या निमित्ताने निमंत्रण दिलं होतं. आम्ही तुमचे आभारी आहोत, तुम्ही निमंत्रण स्वीकारलं. गणेशोत्सव महाराष्ट्राचा मोठा उत्सव आहे. महाराष्ट्रात गणेशोत्सव आणि शिवजंयती उत्साहात साजरी केली जाते. आज तुमच्या मुंबईत येण्याने कार्यकर्त्यांचा, गणेशभक्तांचा उत्साह वाढला आहे” असं फडणवीस म्हणाले.
“महाराष्ट्राच्या पवित्र भूमीवर अध्यक्ष म्हणून माझे हे पहिले आगमन आहे. संपूर्ण महाराष्ट्रात आणि देशभरात गणेशोत्सव साजरा केला जात आहे, माझ्यासाठी हा सौभाग्याचा क्षण आहे. देवेंद्र जी हे युवकांचे आणि बहिणींचे मोठे भाऊ म्हणून प्रतिनिधित्व करतात. उत्सव आणि पूजेच्या या वातावरणात आपण सर्व उपस्थित आहात, सर्वांना मी शुभेच्छा देतो. छत्रपती शिवाजी महाराजांच्या आशीर्वादाने आपण सर्वजण पुढे वाटचाल करत आहोत. पंतप्रधानांच्या नेतृत्वात भारत योग्य दिशेने मजबुतीने पुढे जात आहे” (president) अशी प्रतिक्रिया भाजपचे राष्ट्रीय अध्यक्ष नितीन नबीन यांनी दिली. नितीन नबीन आज वर्षावर मुख्यमंत्र्यांच्या निवासस्थानी जाऊन गणपती बाप्पाचं दर्शन घेतील. त्यानंतर ते एकनाथ शिंदे आणि सुनेत्रा पवार यांच्या निवासस्थानी जाऊन सुद्धा दर्शन घेतील.
हेही वाचा :
महाराष्ट्रातील ग्रामपंचायत निवडणुका कधीपर्यंत होणार संभाव्य तारखा आल्या समोर?
नैऋत्य मोसमी पावसाचा परतीचा प्रवास १९ सप्टेंबरपासून सुरू होणार?
