अमेरिका-इराणमधील तणाव आणि होर्मूझ सामुद्रधुनी संकटानंतर एलपीजी पुरवठ्याबाबत अनेक अफवा सोशल मीडियावर व्हायरल होत आहेत. त्यापैकी एक दावा असा आहे की 30 जून 2026 नंतर इंडेन, भारत गॅस आणि (LPG) गॅसचे सर्व एलपीजी कनेक्शन बंद करण्यात येणार आहेत. हा दावा नेमका काय आहे?
सोशल मीडियावर असा दावा केला जात आहे की 30 जून 2026 नंतर देशभरातील Indane, Bharat Gas आणि HP Gas ग्राहकांचे एलपीजी कनेक्शन बंद केले जाणार आहे. त्यामुळे अनेक ग्राहकांमध्ये संभ्रमाचे वातावरण निर्माण झाले आहे. उपलब्ध माहितीनुसार, सर्व एलपीजी ग्राहकांचे कनेक्शन बंद करण्याचा कोणताही सार्वत्रिक सरकारी आदेश जारी झालेला नाही. उलट, व्यावसायिक एलपीजी सिलेंडरचा पुरवठा पूर्ववत करण्याचे प्रयत्न सुरू असल्याची माहिती देण्यात आली आहे. (LPG)म्हणूनच 30 जूननंतर सर्व घरगुती एलपीजी कनेक्शन बंद होणार, हा दावा चुकीचा आहे.
सरकारच्या ‘एक घर, एक गॅस कनेक्शन’ धोरणाअंतर्गत काही विशिष्ट ग्राहकांसाठी 30 दिवसांचा नियम लागू करण्यात आला आहे.या नियमानुसार, ज्या घरांमध्ये सुविधा उपलब्ध आहे आणि ज्या ग्राहकांनी PNG कनेक्शन सुरू केले आहे, त्यांना 30 दिवसांच्या आत जुने LPG कनेक्शन सरेंडर करावे लागते. हा नियम सर्वसामान्य एलपीजी ग्राहकांना लागू नसून, फक्त पीएनजी सुविधा स्वीकारलेल्या ग्राहकांसाठी आहे
ज्या ग्राहकांनी पीएनजी कनेक्शन सुरू करूनही निश्चित कालावधीत एलपीजी कनेक्शन सरेंडर केले नाही, त्यांच्या एलपीजी खात्यावर कारवाई होऊ शकते किंवा संबंधित सेवा प्रभावित होऊ शकते. सोशल मीडियावरील अप्रमाणित संदेशांवर विश्वास ठेवू नका. आपल्या भागात पीएनजी सुविधा लागू आहे का, याची खात्री करा. (LPG) पीएनजी कनेक्शन घेतले असल्यास संबंधित गॅस एजन्सीकडून नियमांची माहिती घ्या. इतर सर्व एलपीजी ग्राहकांसाठी नियमित गॅस पुरवठा सुरू असून घाबरण्याचे कारण नाही. 30 जून 2026 नंतर सर्व एलपीजी कनेक्शन बंद होणार हा दावा चुकीचा आहे. 30 दिवसांचा नियम केवळ पीएनजी कनेक्शन सुरू केलेल्या आणि त्या सुविधेच्या कक्षेत येणाऱ्या ग्राहकांनाच लागू होतो.
हेही वाचा :
राजकीय खळबळ विलास घुले खून प्रकरणात खासदार पुत्राला अटक होणार?
घटसर्प आणि धनुर्वातीची लस घेतली १६ वर्षाच्या मुलीचा बेशुद्ध पडून मृत्यू?
