जगभरात सध्या ChatGPT ची सेवा ठप्प झाल्याची माहिती समोर येत आहे.भारतासह अनेक देशांमध्ये ChatGPT वापरकर्त्यांना मोठ्या अडचणी येत असून त्यांना अनेक समस्यांचा सामना करावा लागत आहे.
कृत्रिम बुद्धिमत्ता (AI) आधारित लोकप्रिय ChatGPT ची सेवा शनिवारी दुपारच्या सुमारास अचानक ठप्प झाल्याने भारतासह जगभरातील लाखो वापरकर्त्यांना अडचणींचा सामना करावा लागला. अनेकांनी अॅप आणि वेबसाइट दोन्हीवर ChatGPT वापरताना समस्या येत असल्याची तक्रार केली.इंटरनेट सेवा आणि विविध वेबसाइट्समधील बिघाडाची नोंद करणाऱ्या DownDetector या प्लॅटफॉर्मवर मोठ्या प्रमाणात तक्रारी दाखल झाल्या. या संकेतस्थळानुसार, ChatGPT च्या सेवेमध्ये अचानक व्यत्यय आला असून (emerging) अनेक वापरकर्त्यांना प्रतिसाद मिळत नसल्याची किंवा सेवा पूर्णपणे बंद झाल्याची समस्या जाणवत होती.
भारतासह अमेरिका, युरोप, जपान, ऑस्ट्रेलिया आणि इतर अनेक देशांमधील वापरकर्त्यांनी सोशल मीडियावर तसेच DownDetector वर सेवा बंद असल्याची माहिती दिली. काहींना ChatGPT मध्ये लॉगिन करता येत नव्हते तर काहींना प्रश्न विचारल्यानंतर कोणताही प्रतिसाद मिळत नव्हता.दरम्यान, OpenAI नेही ChatGPT सेवेमध्ये अडचणी येत असल्याची कबुली दिली आहे. (emerging) कंपनीने अधिकृतपणे सांगितले की, या बिघाडामागील नेमके कारण शोधण्यासाठी तांत्रिक पथक तपास करत असून सेवा पूर्ववत करण्यासाठी प्रयत्न सुरू आहेत.
या बिघाडाचा परिणाम वैयक्तिक वापरकर्त्यांसह अनेक विद्यार्थी, व्यावसायिक, संशोधक आणि AI-आधारित सेवांवर अवलंबून असलेल्या अनेक संस्थांवर झाला आहे. अनेकांना दैनंदिन कामकाजात अडथळे आले तर काही व्यवसायांनाही याचा फटका बसला आहे. सध्या OpenAI कडून सेवा पूर्णपणे सुरळीत करण्यासाठी प्रयत्न सुरू असून, समस्या दूर झाल्यानंतरच बिघाडाचे नेमके कारण काय होते हे स्पष्ट होण्याची शक्यता आहे. ChatGPT हा ओपनएआयने विकसित केलेला एक कृत्रिम बुद्धिमत्ता (AI) चॅटबॉट आहे. तो वापरकर्त्याच्या प्रत्येक सूचनांना प्रतिसाद देतो. तो पत्रे लिहू शकतो, भाषांतर करू शकतो आणि कथासुद्धा तयार करू शकतो. त्यामुळे याचा वापर तरुणांमध्ये मोठ्या प्रमाणात केला जात आहे. (emerging) आता, त्याचा वापर प्रतिमा आणि इतर मजकूर तयार करण्यासाठी केला जाऊ शकतो. बरेच लोक ईमेल आणि सोशल मीडिया पोस्ट तयार करण्यासाठी त्याचा वापर करत आहेत.
हेही वाचा :
झिम्बाब्वेविरुद्धचा सामना कुठे पाहता येणार? योग्य माहिती जाणून घ्या?
