कायमच शांत आणि चेहऱ्यावर कोणतेही हावभाव नसलेल्या आर्यन खानचा एक असा व्हिडीओ सध्या सोशल मीडियावर व्हायरल होत आहे, जो पाहून नेटकऱ्यांना आश्चर्याचा धक्काच बसला आहे. या व्हिडीओवर विविध प्रतिक्रिया येत आहेत.
शाहरुख खानचा मुलगा आर्यन खान याला तुम्ही आतापर्यंत अत्यंत शांत स्वभावात वावरताना पाहिलं असेल. तो फारसा हसत नाही किंवा कधी कोणाशी थट्टा मस्करीही करताना दिसत नाही. पण सध्या सोशल मीडियावर आर्यनचा एक असा व्हिडीओ तुफान व्हायरल होत आहे, (Shahrukh Khan)ज्याला पाहून नेटकऱ्यांना आश्चर्याचा धक्काच बसला आहे. कारण याआधी आर्यनला अशा अंदाजात कधीच पाहिलं गेलं नव्हतं. आर्यन खान त्याच्या एका मित्राच्या लग्नाला पोहोचला होता. या लग्नात त्याने खूपच धमाल केली आहे. विशेष म्हणजे बूट चोरीच्या परंपरेत त्याने फक्त भागच घेतला नाही तर अशा पद्धतीने त्यात तो खेळला, जे खरंच थक्क करणारं आहे. आर्यनच्या या व्हिडीओवर नेटकरी विविध प्रतिक्रिया देत आहेत.
या व्हायरल व्हिडीओमध्ये आर्यन सर्वांत आधी त्याच्या हातात नवरदेवाचे बूट घेऊन पळताना दिसतोय. त्यानंतर मुलांचा एक ग्रुप त्याचयाकडून ते बूट खेचून घेऊन जाण्याचा प्रयत्न करतात. (Shahrukh Khan)परंतु आर्यन खान पूर्ण जोर लावून ते बूट वाचवण्याचा प्रयत्न करतो. यादरम्यान त्याला तोलही जातो, पण तिथे उपस्थित असलेली एक व्यक्ती त्याला सावरते. इतकंच नाही, तर या जोरदार खेचाखेचीनंतरही तो हातात बूट घेऊन इथे-तिथे पळताना दिसून येतो. नंतर ही मस्ती इतकी वाढते की आर्यन जमिनीवर लोळून लोळून त्यांना वाचवण्याचा प्रयत्न करतो. या व्हिडीओवर नेटकरी प्रतिक्रियांचा वर्षाव करत आहेत.
आर्यन खानला सार्वजनिक कार्यक्रमात अशा प्रकारे कधीच वागताना पाहिलं गेलं नाही. म्हणूनच नेटकऱ्यांना आश्चर्याचा धक्का बसला आहे. ‘ही बूट चोरीची परंपरा नाही, तर याला कुस्तीचं मैदान घोषित करा’, असं एकाने लिहिलंय. तर ‘शाहरुख भावा.. तुझा मुलगा तर खूप मस्ती करतो’, असं दुसऱ्याने म्हटलंय. ‘हा तर देसी बॉय आहे’, असंही नेटकऱ्यांनी लिहिलं आहे.
आर्यन खानने दिग्दर्शन क्षेत्रात पदार्पण केलं आहे. ‘बॅड्स ऑफ बॉलिवूड’ ही त्याची पहिली वेब सीरिज नेटफ्लिक्स या ओटीटी प्लॅटफॉर्मवर स्ट्रीम झाली होती. त्याच्या दिग्दर्शन कौशल्याचं अनेकांनी कौतुक केलं होतं. (Shahrukh Khan) त्यापूर्वी आर्यन ड्रग्ज प्रकरणामुळे वादाच्या भोवऱ्यात सापडला होता. कॉर्डेलिया क्रूझवर ड्रग्ज घेऊन गेल्याचा आरोप त्याच्यावर करण्यात आला होता. या आरोपाखाली तो जवळपास महिनाभर तुरुंगात कैद होता.
हेही वाचा
मुली नकार द्यायच्या, लग्नच जुळेना, प्रचंड नैराश्यातून दोन तरूणांनी… त्या घटनेने महाराष्ट्र हादरला
अखेर ४८ तासांनी इराणने अमेरिकेचा मोठा बदला घेतला, होर्मुझमध्ये खळबळ, एकाच्या बदल्यात तीन
शिल्पा शेट्टीच्या बहिणीचं राकेश बापटसोबत ब्रेकअप, शमिता म्हणालेली, ते आयुष्याचं एक पान