सणासुदीच्या काळात अनेक जण धार्मिक श्रद्धेने उपवास करतात. उपवासाच्या दिवशी आहारात मोठे बदल केले जातात. (fasting) काही जण साबुदाण्याची खिचडी, उसळ, दूध यांसारखे पदार्थ घेतात, तर अनेकांना चहा किंवा कॉफीशिवाय दिवसाची सुरुवात करणे कठीण जाते. मात्र उपवासाच्या काळात वारंवार चहा किंवा कॉफी पिणे शरीरासाठी योग्य आहे का, असा प्रश्न अनेकांना पडतो.
रिकाम्या पोटी चहा किंवा कॉफीचे अतिसेवन केल्यास काही व्यक्तींना गॅस, अॅसिडिटी, अपचन किंवा छातीत जळजळ यांसारख्या समस्या जाणवू शकतात. विशेषतः जास्त साखर आणि दूध असलेला चहा वारंवार घेतल्यास पचनसंस्थेवर ताण येऊ शकतो. (fasting) त्यामुळे उपवासाच्या दिवशी चहा घेताना प्रमाणावर नियंत्रण ठेवणे महत्त्वाचे आहे.कॉफीमध्ये कॅफिनचे प्रमाण चहापेक्षा अधिक असू शकते. कॉफी प्यायल्यानंतर काही काळ ताजेतवाने वाटते आणि झोप किंवा आळस कमी होण्यास मदत होते. मात्र रिकाम्या पोटी किंवा मोठ्या प्रमाणात कॉफी घेतल्यास काही लोकांना आम्लपित्त, अस्वस्थता, हृदयाची धडधड वाढणे किंवा झोपेवर परिणाम होण्यासारखे त्रास जाणवू शकतात. त्यामुळे उपवासाच्या दिवशी कॉफीचेही अतिसेवन टाळणे योग्य ठरते.
मग उपवासात चहा-कॉफीऐवजी काय घ्यावे? शरीरातील पाण्याची कमतरता होऊ नये यासाठी पुरेसे पाणी पिणे महत्त्वाचे आहे. (fasting) त्यासोबत लिंबूपाणी, नारळपाणी किंवा ताक यांसारखे पर्यायही घेता येऊ शकतात. चहा किंवा कॉफी घ्यायची असल्यास त्याचे प्रमाण मर्यादित ठेवणे आणि रिकाम्या पोटी घेणे टाळणे अधिक योग्य ठरू शकते.उपवास म्हणजे केवळ अन्नाचे प्रमाण कमी करणे नव्हे, तर शरीराला पुरेसे द्रव आणि आवश्यक पोषण मिळणेही महत्त्वाचे आहे. त्यामुळे चहा-कॉफीचा अतिरेक करण्याऐवजी संतुलित आहार आणि पुरेशा द्रवपदार्थांकडे लक्ष देणे गरजेचे आहे.
हेही वाचा :
शेतकऱ्यांनो, ₹२००० खात्यात जमा झाले नाही? इथं करा तक्रार, २४ वा हप्ता होईल लगेच जमा?
हाती पैसा येणार, रखडलेली कामं मार्गी लागणार ५ राशींना मिळणार?
