पुणे जिल्ह्यातील जुन्नर तालुक्यात रविवारी संध्याकाळी पाच वाजेच्या दरम्यान एक अत्यंत दुर्दैवी रस्ते दुर्घटना घडली. गुंजाळवाडी गावाच्या परिसरामध्ये प्रवाशांनी भरलेली एक राज्य परिवहन मंडळाची (ST) बस उलटून भीषण दुर्घटना घडली आहे. (accident) रविवारी सायंकाळी पाच वाजेच्या सुमारास झालेल्या या भयानक अपघातात वाहनाच्या चालकासह इतर एका प्रवाशाचा जागीच मृत्यू झाला आहे, तर वाहनातील एकूण १८ प्रवासी गंभीररीत्या जखमी झाले आहेत.
या अपघाताबाबत मिळालेल्या सविस्तर माहितीनुसार, महाराष्ट्र राज्य परिवहन मंडळाची भिवंडी आगाराची बस क्रमांक एमएच १४ बीटी ४०२३ (MH 14 BT 4023) ही शेगाव येथून कल्याण शहराच्या दिशेने प्रवास करत होती. ही बस गुंजाळवाडी गावाच्या शिवारात पोहोचली असता, (accident) समोरून अचानक आलेल्या एका अज्ञात वाहनाला वाचवण्याचा प्रयत्न बस चालकाने केला. मात्र, या घाईगडबडीत चालकाचे वाहनावरील नियंत्रण सुटले आणि बस थेट रस्त्याच्या बाजूला असलेल्या एका खोल ओढ्यात कोसळली. ओढ्यात पडल्यानंतर ही बस दोन ते तीन वेळा पलटी झाल्यामुळे वाहनाचा चक्काचूर झाला असून प्रवाशांमध्ये मोठा हाहाकार उडाला.
या भीषण अपघातामध्ये एसटी बसचे चालक मोहम्मद एल. वाय. सलीम , वय ४५, रा. अमरावती) आणि बसमधील एक प्रवासी प्रशांत साईनाथ होणशेटे , वय २७, रा. बेल्लार, नांदेड) या दोघांचा गंभीर दुखापतीमुळे जागीच मृत्यू झाला.या दुर्घटनेत बसमधील एकूण १८ प्रवासी जखमी झाले असून, त्यापैकी समोर आलेल्या माहितीनुसार कोंडीभाऊ वाकचौरे , कमल वाकचौरे , शंकर शेजाळ , वैशाली शेजाळ , मगन पाटोळे , शोभा पाटोळे , शारदा मेंगळे, अश्विनी बहिरट , अलका गायकवाड , अरुण गुंजाळ , दिपाली डोंगरे , उल्हास तांबे , यमुना पावसे , दिव्या पवार , सिद्धेश काळे , आशा काळे आणि नितीन काळे हे नागरिक जखमी झाले आहेत.
स्थानिकांचे मदतकार्य आणि पोलिसांकडून गुन्हा दाखल अपघाताचा मोठा आवाज ऐकून आणि प्रवाशांचा आक्रोश ऐकून आजूबाजूच्या गुंजाळवाडी गावातील स्थानिक नागरिकांनी तात्काळ घटनास्थळाकडे धाव घेतली. गावकऱ्यांनी तत्परता दाखवत पोलिसांना खबर दिली आणि ओढ्यातून जखमी प्रवाशांना बाहेर काढण्याचे मदतकार्य सुरू केले.(accident) सर्व जखमी रुग्णांना तातडीने उपचारासाठी आळेफाटा येथील खाजगी रुग्णालयांमध्ये दाखल करण्यात आले आहे. या संपूर्ण अपघात प्रकरणाचा पुढील तपास आळेफाटा पोलीस ठाण्याचे पोलीस निरीक्षक विश्वास जाधव यांच्या मार्गदर्शनाखाली सहाय्यक पोलीस निरीक्षक अमोल पन्हाळकर करत आहेत.
हेही वाचा
जलतरण तलावात बुडून परप्रांतीय तरुणाचा मृत्यू
भिलवडीत पाच हजाराची लाच घेताना हवालदार जाळ्यात
ग्राहकांना अजून मोठा झटका गॅस सिलेंडरचा बदलला हा नियम, जून महिन्यात बंद होणार तुमचे कनेक्शन?