देशात मोसमी पावसाचे आगमन जवळ आले असताना, महाराष्ट्रात आणि विशेषतः मुंबई शहरात मान्सून कधी धडकेल याविषयी नागरिकांमध्ये उत्सुकता वाढली आहे. (monsoon) सध्या हवेतील दमटपणा मोठ्या प्रमाणावर वाढल्याने मुंबईकरांना तीव्र उकाड्याचा सामना करावा लागत आहे. दिलासादायक बाब म्हणजे, राज्यातील इतर जिल्ह्यांच्या तुलनेत कोकण किनारपट्टीवरील कमाल तापमान सध्या नियंत्रणात असल्याचे दिसून येत आहे. मुंबईमध्ये सोमवारी कुलाबा परिसरातील कमाल तापमान सांताक्रूझच्या तुलनेत एका अंशाने जास्त नोंदवले गेले, तर राज्याच्या उर्वरित भागांमध्ये उन्हाचा चटका कायम असून पारा ४० अंश सेल्सिअस किंवा त्याहून अधिक वर पोहोचला आहे.
मुंबई आणि महाबळेश्वरमधील तापमानाची स्थिती सोमवारी सांताक्रूझहवामान केंद्रावर ३४.१ अंश तर कुलाबा केंद्रावर ३५.१ अंश सेल्सिअस इतके कमाल तापमान नोंदवले गेले. प्रादेशिक हवामान विभागाच्या अधिकारी सुषमा नायर यांनी दिलेल्या माहितीनुसार, सांताक्रूझ भागात वाऱ्याचा वेग जास्त असल्याने तिथला पारा कुलाब्यापेक्षा कमी राहिला. एरवी कुलाबा येथील तापमान सांताक्रूझच्या तुलनेत कमी असते, मात्र सोमवारी कुलाब्यातील तापमान सरासरीपेक्षा १.१ अंशाने जास्त होते. मुंबईत अद्याप मान्सूनपूर्व पावसाने हजेरी लावलेली नाही, आणि येत्या शुक्रवारपर्यंत शहरातील हवामान पूर्णपणे कोरडे राहण्याचा अंदाज आहे. हवामान खात्याच्या मते, २० ते २४ मे दरम्यान मुंबईतील कमाल तापमान ३३ अंश सेल्सिअसच्या आसपास स्थिरावू शकते.
दुसरीकडे, मध्य महाराष्ट्रातील थंड हवेचे ठिकाण असलेल्या महाबळेश्वर येथेही उन्हाची तीव्रता वाढली असून, तिथला पारा सामान्य पातळीपेक्षा २.५ अंशांनी वाढून ३२.३ अंश सेल्सिअसवर पोहोचला आहे.(monsoon) यामुळे सध्या मुंबई आणि महाबळेश्वरच्या तापमानात केवळ दोन ते तीन अंशांचाच फरक उरला आहे. तसेच, कोल्हापूर आणि नाशिक येथील तापमान सध्या मुंबईपेक्षा कितीतरी अधिक असून, कोल्हापूर येथे ३७.5 अंश तर नाशिकमध्ये ३९.९ अंश सेल्सिअस कमाल तापमानाची नोंद झाली आहे.केरळमध्ये वेळेपूर्वी मान्सून दाखल होण्याचे संकेत भारतीय हवामान विभागाने वर्तवलेल्या ताज्या अंदाजानुसार, यंदा केरळ राज्यामध्ये २६ मेच्या सुमारास मोसमी पावसाचे अधिकृत आगमन होऊ शकते. मान्सून सुरू होण्याची ही तारीख हवामान बदलानुसार चार दिवस मागे-पुढे होण्याची शक्यताही वर्तवण्यात आली आहे.
या दरम्यान, दक्षिण किनारपट्टीवरील आंध्र प्रदेश आणि त्याच्या आसपासच्या क्षेत्रावर निर्माण झालेल्या चक्रीय चक्रवाताच्या स्थितीमुळे आगामी पाच दिवसांत केरळ(monsoon) तसेच माहे या परिसरामध्ये विजांच्या कडकडाटासह मुसळधार पाऊस आणि वादळी वारे वाहण्याचा इशारा देण्यात आला आहे. या बदलत्या हवामान प्रणालीमुळे केरळ, दक्षिण कर्नाटक , रायलसीमाआणि दक्षिण लक्षद्वीपला लागून असलेल्या अरबी समुद्राच्या क्षेत्रात कमी दाबाचा पट्टा तयार होत आहे. हवामान शास्त्रज्ञांनी दिलेल्या माहितीनुसार, मोसमी वाऱ्यांनी आता आग्नेय अरबी समुद्राचा मोठा हिस्सा, कन्याकुमारीचा काही भाग, बंगालच्या उपसागराचा दक्षिण प्रदेश, अंदमान समुद्र आणि संपूर्ण अंदमान-निकोबार बेटांवर आपली पुढची वाटचाल यशस्वीपणे सुरू केली आहे.
हेही वाचा
ऑनलाईन औषध विक्रीविरोधात २० मे रोजी औषध दुकाने बंद..?