कन्नड चित्रपटसृष्टीतील प्रसिद्ध अभिनेते हरीश राय यांचे निधन(Death) झाले आहे. गेल्या काही वर्षांपासून ते कर्करोगाशी झुंज देत होते. “ओम”, “नल्ला”, “केजीएफ”, “केजीएफ २” आणि इतर अनेक कन्नड चित्रपटांसाठी ते ओळखले जातात. त्यांनी प्रामुख्याने चित्रपटांमध्ये खलनायकी भूमिका केल्या. त्यांना घशाचा कर्करोग होता. उपचारांसाठी त्यांच्याकडे आर्थिक कमतरता होती, त्यामुळे अभिनेता यशसह अनेक लोकांनी आर्थिक मदत देऊ केली. अखेर, त्यांनी जीवनाच्या लढाईत प्राण सोडले. आणि जगाचा निरोप घेतला. त्यांच्या निधनाच्या बातमीने आता इंडस्ट्रीमध्ये शोक पसरला आहे.
माध्यमांच्या वृत्तानुसार हरीश राय यांना थायरॉईड कर्करोग झाला होता. ते खूप कमकुवत झाले होते आणि त्यांच्या पोटात सूज आली होती. सुरुवातीला त्यांच्याकडे उपचारांसाठी आर्थिक कमतरता होती. त्यांनी मदतीसाठी आवाहन केले होते. निर्माते उमापती श्रीनिवास, दर्शनचे चाहते आणि इतर अनेक अभिनेते आणि अभिनेत्रींनी हरीश रॉय यांना आर्थिक मदत केली. हरीश रॉय यांनी दावा केला की अभिनेता यशने यापूर्वीही त्यांना मदत केली होती.
२०२२ मध्ये एका युट्यूबरला दिलेल्या मुलाखतीत हरीश राय(Death) यांनी त्यांच्या आजाराबद्दल सांगितले आणि खुलासा केला की त्यांना गेल्या तीन वर्षांपासून घशाचा कर्करोग होता. घशातील सूज लपविण्यासाठी त्यांनी दाढी वाढवली होती. त्यांनी असेही उघड केले की त्यांच्याकडे शस्त्रक्रियेसाठी पैशांची कमतरता होती, ज्यामुळे शस्त्रक्रिया लांबली. पुरेसे पैसे नसल्याने त्यांनी काही काळासाठी शस्त्रक्रिया पुढे ढकलली होती. ते त्यांच्या चित्रपटांच्या प्रदर्शनाची वाट पाहत होते. परंतु, तोपर्यंत ते आजाराच्या चौथ्या टप्प्यावर पोहोचले होते.परंतु, हरीश राय यांची कारकीर्द इंडस्ट्रीमध्ये २५ वर्षांहून अधिक काळ पसरली. त्यांनी ‘केजीएफ’च्या दोन्ही फ्रँचायझींमध्ये काम केले आहे. या चित्रपटांमध्ये त्यांची काकाची भूमिका चांगलीच गाजली आहे. याशिवाय त्यांनी ‘बंगलोर अंडरवर्ल्ड’, ‘दन दना दन’ आणि ‘नन्ना कनसीना हूव’ सारख्या चित्रपटांमध्ये काम केले आहे.
हेही वाचा :
कालमेगी वादळाचा हाहा:कार ; 200 हून अधिक लोकांचा मृत्यू, आणीबाणी जाहीर
निवडणुकीआधी Mahayuti तुटणार? शिवसेनेसोबत युती करण्यास ‘या’ पक्षाचा तीव्र विरोध
नोकरीसोबत साइड इनकमही कमवा, या आहेत बेस्ट बिझनेस आयडियाज