बॉलीवूडमधील सर्वाधिक चर्चेत असलेले जोडपे कॅटरीना कैफ आणि विकी कौशल आता आई-बाबा (baby)झाले आहेत! अभिनेता विकी कौशलने आज सकाळी आपल्या इन्स्टाग्राम अकाऊंटवर एक सुंदर पोस्टर शेअर करत ही आनंदाची बातमी चाहत्यांशी शेअर केली. पोस्टच्या कॅप्शनमध्ये त्याने एकच शब्द लिहिला — “Blessed”
कॅटरीनाने मुंबईतील प्रसिद्ध हॉस्पिटलमध्ये आज सकाळी गोंडस मुलाला जन्म दिला. आई आणि बाळ (baby)दोघेही सुखरूप असून, या बातमीनंतर संपूर्ण फिल्म इंडस्ट्री आणि चाहत्यांकडून शुभेच्छांचा वर्षाव होत आहे.
विकी-कॅटरीना या स्टार जोडप्याच्या घरी आलेल्या या आनंदाच्या क्षणी चाहत्यांनी सोशल मीडियावर “Welcome Baby Kaushal”, “Mini Kat-Vicky” आणि “#BlessedFamily” असे हॅशटॅग ट्रेंड केले आहेत. अनेक कलाकारांनी कमेंट बॉक्समध्ये हार्दिक शुभेच्छा देत त्यांच्या नव्या प्रवासासाठी प्रेम व्यक्त केले आहे.
विकी आणि कॅटरीनाने ९ डिसेंबर २०२१ रोजी राजस्थानमधील सिक्स सेन्सेस फोर्ट बडवारा येथे अतिशय गोपनीय विवाह सोहळा केला होता. लग्नानंतर हे दोघेही सतत एकमेकांसोबतच्या क्षणांचे फोटो शेअर करत असले तरी, त्यांनी नेहमीच आपल्या वैयक्तिक आयुष्याबाबत संयम पाळला आहे.
“आमच्या आयुष्यात आला एक ‘आशिर्वाद’”
विकी कौशलच्या पोस्टसोबत शेअर केलेल्या पोस्टरमध्ये लिहिले आहे —
“A little blessing has arrived in our lives. We are grateful for all the love and prayers.” या आनंदवार्तेमुळे बॉलिवूडमध्ये उत्साहाचे वातावरण असून, चाहते आता “कौशल-कैफ” जोडप्याच्या चिमुकल्या राजकुमाराचे पहिले दर्शन पाहण्यासाठी आतुर आहेत.
हेही वाचा :
थांब मी आता तुला दाखवतो… रोहित शर्माला राग अनावर
ओव्याचे की जिऱ्याचे पाणी…वजन झपाट्याने कमी करण्यासाठी दोघांपैकी कोणते ठरेल फायदेशीर
वजन वाढतंय म्हणून भात खाणे बंद केले? थांबा.. वाचा ही फायद्याची माहिती