कान हे आपल्या शरीराचा एक अत्यंत नाजूक आणि महत्त्वाचा भाग आहेत.(cleaning)पण अनेकदा आपण त्यांच्या स्वच्छतेकडे दुर्लक्ष करतो. काही लोक कानातला मळ काढण्यासाठी कॉटन बड्स किंवा टोकदार वस्तू वापरतात, जे खूप धोकादायक असू शकते. पण तुम्हाला माहीत आहे का, काही सोप्या आणि सुरक्षित घरगुती उपायांनी तुम्ही कानातला मळ सहज काढू शकता? चला, असे काही सोपे आणि प्रभावी उपाय जाणून घेऊया.
कानातला मळ काढण्याचे सुरक्षित उपाय
- कोमट पाणी: कोमट पाणी कानातला मळ सैल करण्यासाठी मदत करते. एका ड्रॉपरच्या मदतीने कोमट पाण्याचे काही थेंब कानात टाका. काही वेळ थांबा आणि नंतर डोके झुकवून पाणी बाहेर काढून टाका. हा उपाय खूप सोपा आणि सुरक्षित आहे.
- खोबरेल तेल: खोबरेल तेल नारळाचे तेल(cleaning) कानात जमा झालेला कोरडा मळ मऊ बनवण्यास मदत करते. रात्री झोपण्यापूर्वी 2-3 थेंब खोबरेल तेल कानात टाका आणि दुसऱ्या दिवशी सकाळी हलक्या हाताने कान स्वच्छ करा.
- हायड्रोजन पेरॉक्साइडचे मिश्रण: हायड्रोजन पेरॉक्साइडआणि पाणी समान प्रमाणात मिसळा. हे मिश्रण कानात टाकल्यास मळ फेस होऊन बाहेर येतो. पण हा उपाय आठवड्यातून फक्त एकदाच करा.
- बेकिंग सोडा: 1 चमचा बेकिंग सोडा 2 चमचे पाण्यात मिसळून मिश्रण तयार करा. या मिश्रणाचे 2-3 थेंब कानात टाका. 10 मिनिटांनी डोके झुकवून कान साफ करा. हा उपाय जास्त प्रमाणात साठलेला मळ काढण्यासाठी उपयुक्त आहे.
- मिठाच्या पाण्याचा वापर: मीठ मिसळून तयार केलेले द्रावण कान साफ करण्यासाठी प्रभावी आहे. कापसाचा बोळा या द्रावणात बुडवून त्याचे काही थेंब कानात टाका आणि नंतर डोके झुकवा.
- गरम पाण्याची वाफ: गरम पाण्याची वाफ घेतल्यानेही कानाच्या आतील मळ आणि घाण मऊ होऊन बाहेर येते. विशेषतः हिवाळ्यात हा उपाय केल्यास खूप आराम मिळतो.
हे उपाय करताना नेहमी लक्षात ठेवा की कानाच्या आत जास्त खोलवर काही घालू नका.(cleaning) जर तुम्हाला कानाच्या आत जास्त वेदना होत असतील किंवा संसर्ग झाल्याची शंका असेल, तर डॉक्टरांचा सल्ला नक्की घ्या.
हेही वाचा :
तरुणाईला जॅकपॉट! केंद्र सरकारकडून… नोकरीसंदर्भातील सर्वात मोठी, निश्चिंत करणारी बातमी
डोळ्यांभोवती आलेले काळे डाग घालवण्यासाठी स्वयंपाक घरातील ‘या’ पदार्थाचा करा वापर, त्वचेवर येईल गोल्डन ग्लो
ओव्हल टेस्ट जिंकवणाऱ्या सिराजचा भाव वाढला, BCCI कडून किती पैसे मिळणार ?
