14 जून 2026 रोजी निर्माण होणारा शूल योग ज्योतिषशास्त्रात अत्यंत प्रतिकूल मानला जातो. या योगाच्या काळात शुभ कामे टाळण्याचा सल्ला दिला जातो. मानसिक अस्वस्थता, आर्थिक अडचणी आणि दैनंदिन जीवनातील अडथळे वाढू शकतात. विशेषतः चार राशींवर या योगाचा प्रभाव अधिक जाणवण्याची शक्यता व्यक्त करण्यात आली आहे.
द्रिक पंचांग नुसार 14 जून 2026 रोजी दुपारी 1 वाजून 15 मिनिटांनी शूल योग सुरू होणार (Shula Yoga) असून तो 15 जून रोजी सकाळी 8 वाजून 56 मिनिटांपर्यंत राहणार आहे. सुमारे 20 तासांहून अधिक काळ टिकणाऱ्या या योगादरम्यान ग्रहांची स्थिती काही राशींसाठी प्रतिकूल ठरू शकते. ज्योतिषीय गणनांनुसार मिथुन , धनु , कन्या आणि मकर राशीच्या व्यक्तींनी विशेष सतर्क राहण्याची गरज आहे.
मिथुन राशीच्या व्यक्तींमध्ये या काळात चिडचिड, अस्वस्थता आणि आक्रमकतेची भावना वाढू शकते. कामाच्या ठिकाणी मतभेद किंवा तणावपूर्ण परिस्थिती निर्माण होण्याची शक्यता आहे. कुटुंबातही किरकोळ कारणांवरून वाद निर्माण होऊ शकतात. आर्थिक बाबतीत कोणतीही नवीन गुंतवणूक किंवा मोठा आर्थिक निर्णय घेणे टाळावे, असा सल्ला दिला जात आहे.
धनु राशीच्या लोकांवर या योगाचा परिणाम आरोग्याच्या दृष्टीने जाणवू शकतो. डोकेदुखी, पोटदुखी किंवा थकवा यांसारख्या समस्या उद्भवण्याची शक्यता आहे. त्याचबरोबर अनपेक्षित खर्च वाढल्यामुळे आर्थिक नियोजन बिघडू शकते. (Shula Yoga) त्यामुळे आरोग्याची काळजी घेण्यासोबतच खर्चांवर नियंत्रण ठेवणे आवश्यक ठरेल.
कन्या राशीसाठी हा कालावधी विविध अडथळे आणि आव्हाने घेऊन येऊ शकतो. कोणतेही काम सुरू केल्यावर त्यात अपेक्षेपेक्षा जास्त अडचणी येण्याची शक्यता आहे. बोलताना संयम राखणे गरजेचे असून वादग्रस्त वक्तव्यांपासून दूर राहणे फायदेशीर ठरेल. घाईघाईत निर्णय घेण्याऐवजी प्रत्येक गोष्ट विचारपूर्वक करण्याचा सल्ला दिला जातो.
मकर राशीच्या व्यक्तींनी या काळात विरोधकांपासून आणि स्पर्धकांपासून सावध राहावे. नवीन उपक्रम, व्यवसाय किंवा महत्त्वाच्या योजनांची सुरुवात पुढे ढकलणे हिताचे ठरू शकते. तसेच प्रवास, धार्मिक यात्रा किंवा दूरच्या दौऱ्यांदरम्यान विशेष काळजी घेण्याची आवश्यकता आहे. अनावश्यक जोखीम घेणे टाळल्यास संभाव्य अडचणी कमी होऊ शकतात.
ज्योतिषशास्त्रानुसार शूल योगाचा प्रतिकूल प्रभाव कमी करण्यासाठी भगवान शंकराची उपासना करण्याचा सल्ला दिला जातो. शूलाचा संबंध भगवान शंकराच्या त्रिशूलाशी जोडला जात असल्याने “ॐ नमः शिवाय” मंत्राचा जप आणि शिव चालीसाचे पठण शुभ मानले जाते.(Shula Yoga) याशिवाय संकटांपासून संरक्षण मिळावे यासाठी हनुमान चालीसाचे पठण करणे देखील लाभदायक समजले जाते.
हेही वाचा :
कोल्हापूर जिल्ह्यात ७२ हजार जणांचे मोफत रेशन बंद
भारत-व्हेनेझुएला ऊर्जा क्षेत्रात दीर्घकालीन भागीदार
पेरणी कधी करायची? शेतकऱ्यांसाठी आली गुड न्यूज काय आहे अपडेट?
