पुण्यातील सार्वजनिक वाहतूक व्यवस्थेला अधिक सक्षम करणारी आणि विमान प्रवाशांचा प्रवास सुकर करणारी ही अत्यंत महत्त्वाची बातमी आहे. पुणे मेट्रोच्या या नवीन विस्तारामुळे शहरातील वाहतूक कोंडी सुटण्यास मोठी मदत होणार आहे.पुणे आणि पिंपरी-चिंचवडमधील विमान प्रवाशांसाठी एक अत्यंत दिलासादायक निर्णय घेण्यात आला आहे. कल्याणीनगर मेट्रो स्थानकापासून ते थेट लोहगाव विमानतळापर्यंत नवीन मेट्रो मार्गिका तयार केली जाणार आहे. केंद्रीय हवाई वाहतूक राज्यमंत्री आणि पुण्याचे खासदार मुरलीधर मोहोळयांनी पुणे महानगरपालिका आणि महा मेट्रो यांच्यासोबत घेतलेल्या उच्चस्तरीय बैठकीत या महत्त्वपूर्ण विस्ताराला हिरवा झेंडा दाखवला.
थेट विमानतळ कनेक्टिव्हिटीमुळे प्रवाशांची त्रासातून सुटका सध्या पुणे विमानतळावर थेट मेट्रो सेवा उपलब्ध नसल्याने प्रवाशांना (transport) अनेक अडचणींचा सामना करावा लागतो. प्रवाशांना येरवाडा स्थानकावर उतरून तिथून विमानतळासाठी खाजगी वाहने किंवा कॅब करावी लागते, जी आर्थिकदृष्ट्या महाग पडते आणि रस्त्यावरील वाहतूक कोंडीत वेळही वाया जातो. या समस्येवर तोडगा काढण्यासाठी गेल्या वर्षी महा मेट्रोला व्यवहार्य पर्याय शोधण्याचे निर्देश देण्यात आले होते. पुणे मेट्रोच्या दुसऱ्या टप्प्यात सुरुवातीला हा मार्ग समाविष्ट नव्हता, परंतु सर्व तांत्रिक बाजू तपासून आता या स्वतंत्र मार्गिकेला मंजुरी देण्यात आली आहे.
या नवीन मार्गामुळे पुण्यातील सर्व प्रमुख मेट्रो मार्गिका विमानतळाशी जोडल्या जाणार आहेत. कल्याणीनगर स्थानक हे सध्या सुरू असलेल्या वनाझ ते रामवाडी या ‘लाईन २’ वर आहे. सिव्हिल कोर्ट येथील मुख्य इंटरचेंजमुळे ‘लाईन १’ (पीसीएमसी ते स्वारगेट) चे प्रवासीही येथे सहज येऊ शकतात. (transport) याशिवाय, आगामी हिंजवडी ते शिवाजीनगर ‘लाईन ३’ आणि खडकवासला ते खराडी या प्रस्तावित ‘लाईन ४’ चे जाळेही कल्याणीनगरशी जोडले जाणार असल्याने संपूर्ण शहरातील नागरिकांना थेट विमानतळापर्यंत पोहोचणे सोपे होईल.
वाहतूक कोंडी फोडण्यासाठी या बैठकीत इतरही अनेक पायाभूत प्रकल्पांना गती देण्याचे निर्देश देण्यात आले. पौड फाटा ते वनदेवी मंदिर दरम्यान पाच महत्त्वाच्या चौकांमधील कोंडी दूर करण्यासाठी दुहेरी मजली उड्डाणपूल उभारण्यात येणार आहे. तसेच, कचरा डेपो ते चांदणी चौक दरम्यानही (transport) अशाच प्रकारचा डबल डेकर पूल बांधला जाईल, ज्याच्या खालच्या थरातून वाहने धावतील आणि वरच्या थरातून मेट्रो मार्गिका (वनाझ ते चांदणी चौक विस्तार) मार्गस्थ होईल. यासोबतच, शेवळेवाडी -हडपसर -कात्रज या मार्गाचा थेट वाकड पर्यंत विस्तार करण्यासाठी सविस्तर प्रकल्प अहवाल तयार करण्याचे आदेशही प्रशासनाला देण्यात आले आहेत.
हेही वाचा :
लाडक्या बहिणींचं बँक खातं होणार फुल्ल? आता थेट 3000 रुपये?
पुणे-नाशिककरांनो रेल्वे संदर्भात अत्यंत महत्वाची बातमी?
WhatsApp वापरणाऱ्यांसाठी मोठी बातमी महत्त्वाच्या फीचरबाबत केंद्र सरकार अलर्ट?
