दिल्लीमध्ये CNGच्या दरात वाढ करण्यात आली आहे. सीएनजीच्या दरात झालेल्या वाढीनंतर ऑटो-रिक्षा चालकांनी सरकारसमोर मोठी मागणी ठेवली आहे. ट्रान्सपोर्ट संघटनांनी स्पष्ट इशारा दिला आहे की, ()-rickshaw) त्यांच्या मागण्या मान्य न झाल्यास 9 सप्टेंबरपासून ते संपावर जातील.
दिल्लीमध्ये CNGच्या किमती वाढल्यानंतर शहरातील ट्रान्सपोर्ट संघटनांनी शनिवारी ऑटो-रिक्षाच्या भाड्यात तातडीने वाढ करण्याची मागणी केली. तसेच, ही मागणी मान्य न झाल्यास 9 सप्टेंबरला संप करण्याचा इशारा दिला आहे. इंद्रप्रस्थ गॅस लिमिटेडच्या माहितीनुसार, शनिवारपासून दिल्ली आणि आसपासच्या शहरांमध्ये CNGच्या दरात प्रति किलोग्रॅम 3.89 रुपयांची वाढ करण्यात आली आहे. कंपनीने सांगितले की, CNGसाठी आवश्यक असलेल्या गॅसचा मोठा हिस्सा आयात केलेल्या LNGमधून पूर्ण केला जातो. पश्चिम आशियातील संघर्ष सुरू झाल्यापासून स्पॉट मार्केट किंवा सध्याच्या बाजारपेठेतील LNGच्या किमती वाढल्या आहेत.
ऑटो रिक्षा असोसिएशन आणि दिल्ली प्रदेश टॅक्सी युनियनचे सरचिटणीस राजेंद्र सोनी यांनी सांगितले की, दिल्ली सरकारने तातडीने आणि एका आठवड्याच्या आत ऑटो आणि टॅक्सीच्या भाड्यात वाढ करावी. कारण शनिवारी सकाळपासूनच CNGच्या किमतीत 3.89 रुपयांची वाढ झाली आहे. (-rickshaw) त्यामुळे गरीब ऑटोचालकांवर अचानक आर्थिक भार वाढला आहे. त्यांनी एका निवेदनात म्हटले की, गेल्या दोन-तीन महिन्यांपासून CNGच्या किमती सातत्याने वाढत आहेत. आतापर्यंत एकूण सुमारे 10 ते 11 रुपयांची वाढ झाली आहे.
राजेंद्र सोनी यांनी सांगितले की, सरकारने लवकरात लवकर ऑटो आणि टॅक्सीचे भाडे वाढवावे किंवा CNGच्या किमतीवर सबसिडी द्यावी. जर भाडेवाढ करण्यात आली नाही, तर 9 सप्टेंबरला आम्ही संप करू. ऑल इंडिया मोटर अँड गुड्स ट्रान्सपोर्ट असोसिएशननेही CNGच्या दरवाढीचा मुद्दा उपस्थित केला आहे. संघटनेचे अध्यक्ष राजेंद्र कपूर यांनी सांगितले की, दिल्ली-NCRमध्ये CNGच्या किमतीत प्रति किलोग्रॅम 3.89 रुपयांची अचानक झालेली वाढ ही केवळ इंधनाचा खर्च वाढण्यापुरती मर्यादित नाही. (-rickshaw) याचा थेट परिणाम सर्वसामान्यांच्या खिशावर, ट्रान्सपोर्ट उद्योगावर आणि अखेरीस जीवनावश्यक वस्तूंच्या किमतींवर होणार आहे. या दरवाढीनंतर दिल्लीत CNGची किंमत आता 86.98 रुपये प्रति किलोग्रॅम झाली आहे.
हेही वाचा :
अजितदादा, तू कुठूनतरी अचानक येशील, अन् राखी पौर्णिनिमित्त सुप्रिया सुळेंची भावुक पोस्ट?
सप्टेंबर महिना मुंबईकरांसाठी डोकेदुखी ठरणार, साखर, दूधनंतर आता प्रवासही महागणार?
एकामागून एक महाआपत्ती नेपाळच का बनतंय निसर्गाचं ‘फेव्हरेट टार्गेट’?
