नव्या महिन्याच्या सुरुवातीलाच सर्वसामान्यांसाठी आणि व्यावसायिक क्षेत्रासाठी केंद्र सरकारकडून एक अत्यंत सुखद आणि दिलासादायक वृत्त आले आहे. गेल्या काही काळापासून सातत्याने कडाडणाऱ्या इंधनाच्या दरांनी सर्वसामान्यांचे आर्थिक नियोजन कोलमडून टाकले होते, (Gas cylinders) तसेच बाजारपेठेतही मोठी टंचाई निर्माण झाली होती. मात्र, आता जुलैच्या पहिल्याच दिवशी इंधन वितरण कंपन्यांनी व्यावसायिक वापराच्या सिलिंडर दरात मोठी कपात करून सर्वांना मोठा दिलासा दिला आहे.
व्यावसायिक सिलिंडरच्या किमतीत लक्षणीय घसरण देशातील तेल कंपन्यांनी १९ किलो वजनाच्या व्यावसायिक एलपीजी सिलिंडरच्या किमतीत तब्बल १८३.५० रुपयांची कपात जाहीर केली आहे. (Gas cylinders) मागील अनेक महिन्यांपासून या सिलिंडरच्या दरांमध्ये सातत्याने वाढ होत असल्याने हॉटेल व्यावसायिक, ढाबा चालक आणि केटरिंग क्षेत्राशी संबंधित लोकांचे बजेट पूर्णपणे कोलमडले होते, ज्याचा थेट परिणाम ग्राहकांच्या खिशावरही होत होता. या नव्या कपातीमुळे व्यावसायिक वर्गाला मोठा आर्थिक दिलासा मिळणार असून बाजारपेठेतील किमतींवरही याचा सकारात्मक प्रभाव पडू शकतो.
व्यावसायिक सिलिंडरच्या दरांमध्ये ही मोठी घसरण झाली असली, तरी सर्वसामान्य कुटुंबांना मात्र अजूनही वाट पाहावी लागणार आहे. कारण नियमित घरगुती वापरासाठी लागणाऱ्या १४.२ किलोच्या एलपीजी सिलिंडरच्या किमतींमध्ये यावेळेस कोणताही बदल करण्यात आलेला नाही. त्याचे दर सध्या पूर्वीप्रमाणेच स्थिर ठेवण्यात आले आहेत. आंतरराष्ट्रीय घडामोडींचा प्रभाव आणि नव्या दरांची आकडेवारी या अभूतपूर्व दरवाढीमागे जागतिक पातळीवरील तणाव हे मुख्य कारण होते. इराण आणि अमेरिकायांच्यात तब्बल तीन महिने चाललेल्या युद्धामुळे जागतिक बाजारपेठेत कच्च्या तेलाच्या किमती गगनाला भिडल्या होत्या.
या संघर्षादरम्यान इराणकडून होर्मुज खाडी बंद करण्यात आल्यामुळे आंतरराष्ट्रीय पुरवठा साखळी पूर्णपणे कोलमडली आणि एलपीजीचा मोठा तुटवडा निर्माण झाला. आता हे युद्ध थांबून काही आठवडे उलटले असून, परिस्थिती पूर्वपदावर येत असल्याने सरकारने हा दरांमध्ये कपात करण्याचा निर्णय घेतला आहे. येत्या काळात घरगुती गॅसबाबतही असाच निर्णय घेतला जाऊ शकतो, असा अंदाज व्यक्त होत आहे.या ताज्या कपातीनंतर देशाची राजधानी दिल्ली येथे १९ किलोच्या व्यावसायिक सिलिंडरची किंमत आता २,९३० रुपये झाली आहे, जी आधी ३,११३.५० रुपयांवर पोहोचली होती. जर भूतकाळातील आकडेवारीवर नजर टाकली, तर १ डिसेंबर २०२५ रोजी याच सिलिंडरचा दर १,५८०.५० रुपये होता, जो जानेवारी २०२६ मध्ये वाढून १,६९१.५० रुपये झाला. (Gas cylinders) त्यानंतर सलग होत गेलेल्या वाढीमुळे हा दर तब्बल ३ हजार रुपयांच्या पार गेला होता, ज्याला आता काही प्रमाणात ब्रेक लागला आहे.
हेही वाचा :
मी बोलायला लागलो, तर सहन होणार नाही..!
महाबळेश्वरला जाताय तर सावधान पर्यटकांसाठी प्रसिद्ध पॉईंट बंद?
Jio आणि Airtel यूजर्स सावधान Gmail खात्याबाबतची ही चूक ठरू शकते धोकादायक?
