उद्योगा मंत्री उदय सामंत यांच्या नागपूर-गडचिरोली प्रवासादरम्यान हेलिकॉप्टरमध्ये तांत्रिक बिघाड झाला. टेक ऑफ घेतानाच पायलटने वेळीच बिघाड ओळखल्याने मोठी दुर्घटना टळली. सामंत यांनी स्वतः या घटनेला दुजोरा दिला असून आता ते रस्ते मार्गे गडचिरोलीकडे निघाले आहेत. या बिघाडाच्या चौकशीची मागणी स्थानिकांनी केली आहे.
राज्याचे उद्योाग मंत्री उदय सामंत यांच्या हेलिकॉप्टरमध्ये तांत्रिक बिघाड झाला आहे. नागपूरहून गडचिरोलीला जात असताना हा बिघाड झाला. विमानाने टेक ऑफ घेतानाच हा बिघाड झाला. (Uday Samant) त्यामुळे उड्डाण रद्द करण्यात आलं. मात्र, सुदैवाने कोणतीही अनुचित घटना घडली नाही. स्वत: उदय सामंत यांनीही विमानात तांत्रिक बिघाड झाल्याच्या वृत्ताला दुजोरा दिला आहे. हा प्रकार पायलटच्या वेळीच लक्षात आल्याने मोठी दुर्घटना टळली आहे.
शिवसेना नेते आणि उद्योग मंत्री उदय सामंत हे नागपूरवरून गडचिरोली येथील सुरजागड येथे पाहणी दौरा करणार होते. या दौऱ्यासाठी त्यांनी निघण्याची तयारी केली होती. हेलिकॉप्टरमध्ये बसलेले असतानाच उड्डाणा दरम्यान हेलिकॉप्टरमध्ये तांत्रिक बिघाड झाल्याचं पायलटच्या लक्षात आलं. त्यामुळे पायलटने तात्काळ उड्डाण रद्द केलं. त्यामुळे मोठा अनर्थ टळला. (Uday Samant) दरम्यान, हेलिकॉप्टर उड्डाणापूर्वी तांत्रिक तपासणीत बिघाड लक्षात का आला नाही? याची चौकशी करण्याची स्थानिक शिवसैनिकांनी मागणी केली आहे.
दरम्यान, या घटनेनंतर उदय सामंत यांनी मीडियाशी संवाद साधला. ही बातमी मीडियापर्यंत कशी पोहोचली माहीत नाही. पण बातमी खरी आहे. वस्तुस्थिती आहे. सकाळी पावणे नऊ वाजता मी नागपूरहून सूरजागडच्या प्रकल्पाची पाहणी करण्यासाठी निघालो होतो. हेलिकॉप्टर स्टार्ट केल्यानंतर टेक ऑफ घेताना हेलिकॉप्टरमध्ये बिघाड झाल्याचं पायलटच्या लक्षात आलं. पायलटने वेळीच लक्ष घातल्याने आम्ही टेक ऑफच घेतला नाही. आम्ही आता बायरोड गडचिरोलीला निघालो आहे, असं उदय सामंत यांनी सांगितलं.
उपमुख्यमंत्री एकनाथ शिंदे यांनी मुंबई-सूरजागड विकास एक्सप्रेसची घोषणा केली होती. विदर्भातील एक्सप्रेस वेचं नेटवर्क पसरवण्यासाठी हा प्रकल्प उभारण्यात येत आहे. खनिज संपदेशी सरकारला जोडलं जाणार आहे. या प्रकल्पाचं काम सुरू झालेलं आहे. (Uday Samant) त्याची पाहणी करण्यासाठीच उदय सामंत गडचिरोलीला जात आहेत. सुरजागडमधील विकास कामांची पाहणी आणि उद्योगाशी संबंधित गोष्टींचा आढावा या भेटीत घेतला जाणार असल्याचं सांगितलं जात आहे.
हेही वाचा :
पेट्रोल-डिझेलच्या दरात मोठा बदल? सर्वसामान्याचं टेन्शन वाढलं?
