बँकिंग क्षेत्रात करिअर घडवण्याची इच्छा असलेल्या पदवीधर तरुणांसाठी मोठी संधी उपलब्ध झाली आहे. स्टेट बँक ऑफ इंडिया ने प्रोबेशनरी ऑफिसर पदांसाठी मोठी भरती जाहीर केली असून एकूण 1500 रिक्त जागांसाठी ऑनलाइन अर्ज प्रक्रिया सुरू करण्यात आली आहे. पात्र उमेदवारांना अधिकृत संकेतस्थळावर जाऊन अर्ज करता येणार असून आकर्षक वेतनामुळे या भरतीकडे सर्वांचे लक्ष लागले आहे.
स्टेट बँक ऑफ इंडियाच्या केंद्रीय भरती आणि पदोन्नती विभागाने ही भरती प्रक्रिया सुरू केली असून 18 जूनपासून ऑनलाइन नोंदणीला सुरुवात झाली आहे. या पदांसाठी अर्ज करणाऱ्या उमेदवारांचे वय 1 एप्रिल 2026 रोजी किमान 21 वर्षे आणि कमाल 30 वर्षे असणे आवश्यक आहे.मान्यताप्राप्त विद्यापीठातून कोणत्याही शाखेची पदवी पूर्ण केलेले उमेदवार अर्ज करण्यास पात्र आहेत. (Bank of India) तसेच, पदवीच्या अंतिम वर्षात शिकत असलेल्या आणि 30 सप्टेंबरपर्यंत निकाल जाहीर होणाऱ्या विद्यार्थ्यांनाही अर्ज करण्याची संधी देण्यात आली आहे. खुल्या प्रवर्गातील , आर्थिकदृष्ट्या दुर्बल घटक आणि इतर मागासवर्गीय उमेदवारांसाठी अर्ज शुल्क 750 रुपये निश्चित करण्यात आले आहे. अनुसूचित जाती , अनुसूचित जमाती आणि दिव्यांग प्रवर्गातील उमेदवारांना अर्ज शुल्कातून पूर्ण सूट देण्यात आली आहे.
स्टेट बँक ऑफ इंडियामधील प्रोबेशनरी ऑफिसर पद हे प्रतिष्ठित पदांपैकी एक मानले जाते. निवड झालेल्या उमेदवारांना जेएमजीएस-1 वेतनश्रेणीनुसार 48,480 रुपये प्रारंभिक मूळ वेतन दिले जाईल. विविध भत्ते आणि इतर सुविधांचा समावेश केल्यानंतर मुंबई सारख्या महानगरात या पदासाठी वार्षिक एकूण वेतन पॅकेज सुमारे 21.97 लाख रुपयांपर्यंत पोहोचते.निवड प्रक्रिया तीन टप्प्यांत पार पडणार आहे. सुरुवातीला पूर्व परीक्षा घेतली जाईल. (Bank of India) त्यानंतर पात्र उमेदवार मुख्य परीक्षा देतील. अंतिम फेरीत सायकोमेट्रिक चाचणी , गटचर्चाआणि मुलाखत होईल. या सर्व टप्प्यांमधील कामगिरीच्या आधारे अंतिम गुणवत्ता यादी तयार केली जाईल. इच्छुक उमेदवारांनी 8 जुलैपूर्वी एसबीआयच्या अधिकृत करिअर पोर्टलवर ऑनलाइन अर्ज सादर करावा.
हेही वाचा :
लाडक्या बहिणींसाठी मोठी अपडेट! मे महिन्याचे 1500 रुपये बँक खाते करा चेक?
