सांगली-सातारा स्थानिक स्वराज्य संस्था मतदारसंघाच्या विधान परिषद निवडणुकीत भाजपचे उमेदवार धैर्यशील कदम यांनी अपेक्षेपेक्षा अधिक मोठा विजय मिळवत राजकीय समीकरणांना नवे वळण दिले आहे. महायुतीतील अंतर्गत मतभेद, स्थानिक नाराजी आणि महाविकास आघाडीने उभे केलेले आव्हान (BJP) यामुळे ही निवडणूक अत्यंत चुरशीची होईल, असा अंदाज व्यक्त केला जात होता. मात्र निकालाने सर्वच राजकीय चर्चांना पूर्णविराम मिळाला.धैर्यशील कदम यांनी तब्बल ३०१ मतांच्या फरकाने विजय मिळवत केवळ जागा राखण्यातच यश मिळवले नाही, तर पश्चिम महाराष्ट्रातील भाजपची वाढती ताकदही अधोरेखित केली. (BJP) गेल्या काही निवडणुकांमध्ये सातारा आणि सांगली जिल्ह्यांसह पश्चिम महाराष्ट्रात महायुतीने आपला प्रभाव वाढवला असून या विजयामुळे तो अधिक मजबूत झाल्याचे चित्र आहे.
निवडणुकीपूर्वी विरोधकांनी महायुतीतील मतभेदांचा मुद्दा जोरात मांडला होता. तसेच स्थानिक पातळीवरील असंतोषाचा फायदा घेण्याचा प्रयत्न केला होता. मात्र प्रत्यक्ष मतदान आणि निकालातून महायुतीच्या बाजूने मतदारांनी कौल दिल्याचे स्पष्ट झाले. विशेषतः भाजपने स्थानिक स्वराज्य संस्थांमधील आपली संघटनात्मक ताकद पुन्हा एकदा सिद्ध केली आहे.दुसरीकडे, या पराभवामुळे महाविकास आघाडीसमोर आत्मपरीक्षणाचे आव्हान उभे राहिले आहे. सलग निवडणुकांमधील अपयशामुळे विरोधी पक्षांच्या कार्यकर्त्यांमध्ये निराशा वाढत असल्याची चर्चा राजकीय वर्तुळात सुरू आहे. (BJP) आगामी स्थानिक स्वराज्य संस्था आणि इतर निवडणुकांच्या पार्श्वभूमीवर विरोधकांना संघटनात्मक पातळीवर नव्याने उभारी घेण्याची गरज असल्याचे मत व्यक्त केले जात आहे.या निकालामुळे पश्चिम महाराष्ट्रातील राजकारणात भाजप आणि महायुतीचे वर्चस्व अधिक ठळक झाले असून आगामी निवडणुकांसाठी हा विजय महत्त्वाचा राजकीय संदेश देणारा मानला जात आहे.
हेही वाचा :
समशितोष्ण कोल्हापूरमध्ये हरवत चाललेय ऋतुचक्र?
