मध्य प्रदेश : मध्य प्रदेशतील शहडोलमधून एक धक्कादायक घटना समोर आली आहे. एका पत्नीने(wife) तिच्या पतीचा गळा दाबून खून केला. गुन्हा लपवण्यासाठी ती पोलिसांना आणि तिच्या शेजाऱ्यांना दिशाभूल करत राहिली.
आरोपी पत्नीने(wife) पोलिसांना सांगितले की, तिच्या पतीचा मृत्यू जास्त मद्यपानामुळे झाला आहे. पण, जेव्हा पोलिसांना संशय आला आणि त्यांनी कसून तपास केला तेव्हा ही हत्या असल्याचे निष्पन्न झाले. जेव्हा पोलिसांनी हत्येचे कारण विचारले तेव्हा ते कारणही धक्कादायक निघाले.
मिळालेल्या माहितीनुसार, दोघांचेही हे दुसरे लग्न होते आणि Facebookवरच त्यांची मैत्री झाली होती. मध्य प्रदेशतील शहडोल परिसरात २१ एप्रिलच्या रात्री ही घटना घडली आहे. मृताचे नाव सुरेश बैगा असे आहे. आरोपी पत्नीने सांगितले की ती अनेक सोशल मीडिया प्लॅटफॉर्मवर सक्रिय आहे. आणि रील्स बनवून अपलोड देखील करते.
जेव्हा कोणत्याही पुरूषाला त्या रील आवडायच्या तेव्हा तिच्या नवऱ्याला ते आवडत नसे. या मुद्द्यावरून तिचे तिच्या पतीशी नेहमीच भांडण होत असत. तीने सांगितले की घटनेच्या रात्री सुरेश दारू पिऊन घरी आला. दारूच्या नशेत त्याने तिला मारहाण करायला सुरुवात केली. आणि तिच्या मुलीला लाथ मारली.
पत्नी राधा कोल हिच्यावर सुरेशची हत्या केल्याचा आरोप आहे, जो तिने कबूल केला. राधाने तिच्या पतीचा गळा दाबून खून केला होता. घटना लपवण्यासाठी तीने शेजाऱ्याला सांगितले की सुरेश दारू पिऊन घरी आला आहे, त्याने काही खाल्लेही नाहीये आणि तो उठतही नाही. शेजाऱ्यांनी त्याला उठवण्याचा प्रयत्न केला तेव्हा त्यांना तो मृत असल्याचे समजले. शेजाऱ्यांनी तात्काळ पोलिसांना माहिती दिली.
पोलिसांनी घटनास्थळी पोहोचून मृतदेहाची तपासणी केली. दरम्यान, पोलिसांना मृताच्या मानेवर नखांच्या खुणा आढळल्या. सुरेशचा मृतदेह पोस्टमॉर्टेमसाठी पाठवण्यात आला. संशयाच्या आधारे पोलिसांनी पत्नीला ताब्यात घेतले आणि तिची कसून चौकशी केली असता आरोपी पत्नीने हत्येची कबुली दिली. आणि संपूर्ण घटनाक्रम सांगितला.
हेही वाचा :
रोहित पवारांना धक्का! गटनेता बदलण्यास जिल्हाधिकाऱ्यांचा नकार
“आम्ही जिवंत आहोत…” पहलगाम दहशतवादी हल्ल्यातील कपलचा तो व्हायरल व्हिडिओ…
