Rajasthan Royals ने आयपीएल 2026 मधील 32व्या सामन्यात Lucknow Super Giants वर दणदणीत आणि एकतर्फी विजय मिळवत आपली ताकद पुन्हा सिद्ध केली. 160 धावांसारख्या माफक (one-sided victory) आव्हानाचंही भक्कम रक्षण करत राजस्थानने लखनौला 40 धावांनी पराभूत केलं. विशेष म्हणजे 2024 नंतरची दुसऱ्या क्रमांकाची सर्वात कमी धावसंख्या यशस्वीरित्या बचाव करण्याचा पराक्रम राजस्थानने केला.
टॉस जिंकून लखनौने प्रथम गोलंदाजीचा निर्णय घेतला आणि राजस्थानला 20 षटकांत 159 धावांवर रोखलं. सुरुवातीपासूनच राजस्थानचा डाव स्थिर वाटत असला तरी मोठी भागीदारी उभी राहू शकली नाही. मात्र Ravindra Jadeja याने 29 चेंडूत 43 धावांची खेळी करत संघाला सन्मानजनक धावसंख्येपर्यंत पोहोचवलं. त्याला शेवटी Shubham Dubey याची साथ मिळाली. लखनौकडून Mohammed Shami, Mohsin Khan आणि Prince Yadav यांनी प्रत्येकी दोन विकेट घेत राजस्थानला मोठा स्कोअर करू दिला नाही.
160 धावांचं लक्ष्य लखनौसाठी अवघड नव्हतं, मात्र फलंदाजांनी पूर्णतः निराश केलं. Mitchell Marsh याने एकट्याने लढा देत 55 धावा केल्या, पण त्याला दुसऱ्या टोकाला साथ मिळाली नाही. Rishabh Pant, Aiden Markram आणि आयुष बडोनी हे खातेही उघडू शकले नाहीत. परिणामी संपूर्ण संघ 18 षटकांत केवळ 119 धावांवर गारद झाला.
राजस्थानच्या गोलंदाजांनी या विजयात मोलाची भूमिका बजावली. Jofra Archer याने सर्वाधिक तीन विकेट घेतल्या, तर नांद्रे बर्गर आणि ब्रिजेश शर्मा यांनी प्रत्येकी दोन विकेट घेत लखनौचा डाव उध्वस्त केला. फिरकीत Ravi Bishnoi आणि जडेजा यांनीही महत्त्वाची भर घातली. या पराभवामुळे लखनौचा घरच्या मैदानावरील तिसरा, सलग चौथा आणि एकूण पाचवा पराभव नोंदवला गेला. दुसरीकडे राजस्थानने कमी धावसंख्येवरही प्रतिस्पर्ध्याला रोखण्याची आपली क्षमता पुन्हा एकदा दाखवून दिली.
हेही वाचा
मुली नकार द्यायच्या, लग्नच जुळेना, प्रचंड नैराश्यातून दोन तरूणांनी… त्या घटनेने महाराष्ट्र हादरला
अखेर ४८ तासांनी इराणने अमेरिकेचा मोठा बदला घेतला, होर्मुझमध्ये खळबळ, एकाच्या बदल्यात तीन
शिल्पा शेट्टीच्या बहिणीचं राकेश बापटसोबत ब्रेकअप, शमिता म्हणालेली, ते आयुष्याचं एक पान