केंद्र शासनाकडून आर्थिकदृष्ट्या दुर्बल घटकांना दिलासा देण्यासाठी घरगुती गॅसवर आर्थिक सवलत दिली जाते. मात्र, ही मदत सरसकट सर्वांना लागू नसून ती केवळ ठराविक उत्पन्नाच्या निकषांवर आधारित आहे. जर तुम्हाला या सुविधेचा लाभ मिळत नसेल, तर त्यामागे अनेक तांत्रिक आणि आर्थिक कारणे असू शकतात. चला तर मग याविषयी सविस्तर माहिती जाणून घेऊया.
शासनाच्या नियमांनुसार, गॅस अनुदानाचा लाभ घेण्यासाठी वार्षिक उत्पन्नाची अट घालण्यात आली आहे. जर पती आणि पत्नी या दोघांचे एकूण वार्षिक उत्पन्न दहा लाख रुपयांपेक्षा अधिक असेल, तर ते या सवलतीसाठी अपात्र ठरतात. (Gas cylinder) तसेच, ज्या ग्राहकांनी स्वतःहून ही मदत नाकारली आहे किंवा जे व्यावसायिक कारणांसाठी गॅसचा वापर करतात, त्यांच्या बँक खात्यात ही रक्कम जमा होत नाही. हा आर्थिक लाभ केवळ घरगुती वापराच्या गॅस जोडणीसाठीच मर्यादित ठेवण्यात आला आहे.
याव्यतिरिक्त, अनेकदा तांत्रिक त्रुटींमुळेही अनुदानाचे पैसे अडकू शकतात. तुमच्या वितरकाकडे दिलेली माहिती ई-केवायसी (e-KYC) प्रणालीद्वारे अद्ययावत नसल्यास तुम्हाला या सवलतीपासून वंचित राहावे लागू शकते. सर्वात महत्त्वाची अट म्हणजे तुमचे बँक खाते आणि गॅस एजन्सी या दोन्ही ठिकाणी तुमचे आधार कार्ड लिंक असणे अनिवार्य आहे. तुमचे बँक खाते बंद पडले असेल किंवा निष्क्रिय असेल, तरीही अनुदानाची रक्कम जमा होण्यात अडथळे येतात. त्यामुळे बँकेचे सर्व तपशील अद्ययावत ठेवणे अत्यंत गरजेचे आहे.
देशातील दारिद्र्यरेषेखालील कुटुंबांना आधार देण्यासाठी १ मे २०१६ रोजी प्रधानमंत्री उज्ज्वला योजना सुरू करण्यात आली. या विशेष उपक्रमांतर्गत गरीब घरातील महिलांना मोफत गॅस जोडणी दिली जाते. (Gas cylinder)आतापर्यंत देशभरातील तब्बल १० कोटींहून अधिक महिलांनी या सुविधेचा लाभ घेतला असून या विशिष्ट योजनेतील लाभार्थ्यांना मिळणारी अनुदानाची रक्कम ही सर्वसामान्य ग्राहकांना मिळणाऱ्या सवलतीपेक्षा कमी-जास्त असू शकते.
तुम्हाला तुमचे अनुदान मिळत आहे की नाही, हे तपासण्यासाठी मायएलपीजी डॉट इन या अधिकृत वेबपोर्टलवर जावे लागेल. तेथे तुमचा १७ अंकी आयडी क्रमांक टाकून तुम्ही अनुदानाचा संपूर्ण तपशील पाहू शकता. जर सर्व कागदपत्रे आणि माहिती योग्य असूनही खात्यात पैसे येत नसतील, तर तात्काळ तुमच्या गॅस वितरकाशी संपर्क साधून तुमचे प्रोफाईल तपासा. (Gas cylinder) तसेच, ग्राहकांना पेट्रोलियम कंपन्यांच्या अधिकृत हेल्पलाइनवर फोन करून आपली तक्रार नोंदवून योग्य तोडगा काढता येतो. आवश्यक वाटल्यास तुम्ही तुमच्या सबसिडी प्रोफाईलची प्रिंट आउट देखील काढून घेऊ शकता.
हेही वाचा
राहुरी-बारामती पोटनिवडणुकीसाठी आज मतदान; सुनेत्रा पवार आणि अक्षय कर्डिले यांचं भवितव्य ठरणार