Indian Premier League 2026 च्या हंगामातील आणखी एक रंगतदार सामना Royal Challengers Bengaluru आणि Gujarat Titans यांच्यात पाहायला मिळाला. एम. चिन्नास्वामी स्टेडियमवर (exiting match) झालेल्या या लढतीत अनुभवी फलंदाज Virat Kohli याने पुन्हा एकदा आपली क्लास दाखवत 81 धावांची झंझावाती खेळी साकारली आणि आरसीबीला 5 विकेट्सने शानदार विजय मिळवून दिला.
सामन्याची सुरुवात Rajat Patidar याने टॉस जिंकून केली आणि गुजरातला फलंदाजीसाठी आमंत्रित केले. Sai Sudharsan याने शानदार शतक झळकावत गुजरातच्या डावाचा कणा मजबूत केला. त्याला Shubman Gill, Jos Buttler आणि Washington Sundar यांची साथ मिळाली. त्यामुळे गुजरातने 20 षटकांत 205 धावांचा भक्कम डोंगर उभारला.
मात्र या मोठ्या लक्ष्याचा पाठलाग करताना सामना एका क्षणात वळणावर गेला. पहिल्याच षटकात Washington Sundar याने सोडलेला सोपा कॅच Virat Kohli साठी ‘लाईफलाइन’ ठरला. त्या वेळी कोहली शून्यावर होता, पण त्यानंतर त्याने आक्रमक आणि संयमी खेळीची उत्तम सांगड घालत गुजरातच्या गोलंदाजांवर वर्चस्व गाजवले.
कोहलीच्या 44 चेंडूत 81 धावांच्या खेळीला Devdutt Padikkal याची अर्धशतकी साथ लाभली. मधल्या फळीत काही लहान पण महत्त्वपूर्ण योगदान मिळाल्याने आरसीबीने हे आव्हान 18.5 षटकांतच पार केले. शेवटच्या टप्प्यात Krunal Pandya आणि Tim David यांनी शांतपणे सामना संपवला.
गुजरातकडून Rashid Khan याने दोन बळी घेत प्रयत्न केले, तर Mohammed Siraj आणि Jason Holder यांनी प्रत्येकी एक विकेट मिळवली. मात्र कोहलीच्या धडाकेबाज खेळीसमोर गुजरातची गोलंदाजी अपुरी पडली. या विजयासह आरसीबीने हंगामातील पाचवा विजय नोंदवत गुणतालिकेत आपली स्थिती अधिक मजबूत केली आहे. खास बाब म्हणजे घरच्या मैदानावर मिळवलेला हा त्यांचा 50 वा विजय ठरला, ज्यामुळे चाहत्यांचा उत्साह द्विगुणित झाला आहे.
हेही वाचा
आप पक्षाला मोठा धक्का राघव चड्ढासह 7 खासदारांचा भाजपमध्ये प्रवेश
ऐकायला कमी येतंय, आहारात या पदार्थांचा समावेश करा दिसून येईल फरक
27 एप्रिलला सर्वात दुर्मिळ योग, 3 लकी राशींचं नशीब फळफळणार, पैशांचा पाऊस पडणार?