मावळच्या भाजे ग्रामपंचायतीत कर थकबाकीच्या प्रकरणामुळे राजकीय खळबळ उडाली आहे. सरपंच प्रिया ओव्हाळ, उपसरपंच कोमल केदारी यांच्यासह सहा ग्रामपंचायत सदस्यांना अतिरिक्त विभागीय (political) आयुक्तांच्या निकालानंतर अपात्र ठरवण्यात आलं आहे.
पुण्यामध्ये अजित पवार राष्ट्रवादी पक्षाला मोठा धक्का बसला आहे. मावळमधील भाजे या ग्रामपंचायतीचे सरपंच आणि सहा सदस्य हे अपात्र ठरल्याने राजकीय खळबळ उडाली आहे. हे सर्व प्रकरण ग्रामपंचायतीवरील थकबाकीचं आहे. (political) त्यामुळे यामध्ये सरपंच, उपसरपंचासह सहा ग्रामपंचायत सदस्य थेट अपात्र झाले आहेत. राष्ट्रवादी काँग्रेस अजित पवारांच्या पक्षाचे सरपंच प्रिया ओव्हाळ, उपसरपंच कोमल केदारी यांच्यासह विकास वाल्हेकर, प्रमोद डगळे, सारिका पदमुळे आणि कविता चौरे यांच्यावर अपात्रतेची कारवाई झाली आहे. ग्रामपंचायत कर विहित मुदतीत न भरल्याप्रकरणी प्रताप गरवड आणि शेखर दळवी यांनी विवाद अर्ज दाखल केला होता. सुनावणीनंतर अतिरिक्त विभागीय आयुक्तांनी सहा जणांना अपात्र ठरवलं. मात्र, ग्रामपंचायत सदस्य विकास वाल्हेकर यांनी कर वेळेत न भरल्याचं मान्य करत, कारवाईमागे राजकीय आकस आणि षड्यंत्र असल्याचा आरोप केला आहे.
मावळच्या भाजे ग्रामपंचायतीत सरपंचासह अजित पवारांच्या राष्ट्रवादी काँग्रेसचे सात सदस्य आणि भाजपचे तीन सदस्य अशी रचना होती. मात्र, ग्रामपंचायत कराची थकबाकी विहित मुदतीत न भरल्याच्या प्रकरणात सरपंच प्रिया अमित ओव्हाळ, उपसरपंच कोमल किरण केदारी यांच्यासह सहा जणांवर अपात्रतेची कारवाई झाली आहे. या कारवाईमागे भाजपने षडयंत्र रचल्याचा आरोप करण्यात आला आहे. आता अपात्र सदस्यांना या आदेशाविरोधात अपील करता येणार असून स्टे मिळाल्यास सुनावणी पूर्ण होईपर्यंत ते पदावर राहू शकतात. मात्र अपील न केल्यास किंवा स्टे न मिळाल्यास ग्रामपंचायतीतील सत्तेचं समीकरण बदलणार आहे. (political) अशा परिस्थितीत प्रशासकाची नियुक्ती आणि त्यानंतर पोटनिवडणुकीची शक्यता आहे. त्यामुळे या निवडणुकीत मतदार कोणाला कौल देणार, याकडे लक्ष लागलं आहे.
हेही वाचा :
सर्वात मोठी बातमी संजय राऊत यांच्यावर तुरुंगात विष प्रयोग? राऊतांनी काय दिलं उत्तर?
एकनाथ शिंदे यांच्या जवळच्या मंत्र्याला धक्का अधिकारात केली मोठी कपात?
कच्च्या तेलाच्या किंमती 100 डॉलवर,पेट्रोल-डिझेलचे भाव वाढले?
