नवरात्रीच्या उपवासात घरामध्ये अनेक गोड पदार्थ बनवले (dishes)जातात. म्हणूनच आज आम्ही तुम्हाला रताळ्याचा हलवा बनवण्याची सोपी रेसिपी सांगणार आहोत. हा पदार्थ सगळ्यांचं खूप जास्त आवडेल.
शारदीय नवरात्री उत्सवाला सुरुवात झाली आहे.(dishes) देवीची घटस्थापना करून घरात पूजा केली जाते. तसेच नऊ दिवस देवीला नऊ वेगवेगळ्या गोड पदार्थांचा नैवेद्य दाखवला जातो. नैवेद्यामध्ये कधी शिरा, खीर, मालपुआ इतर कधी बासुंदी बनवून दाखवली जाते. पण आज आम्ही तुम्हाला रताळ्याचा हलवा बनवण्याची सोपी रेसिपी सांगणार आहोत. हा पदार्थ अभिनेत्री ऐश्वर्या नारकर यांनी आपल्या सोशल मीडिया अकाऊंवर शेअर केला आहे. ऐश्वर्या नारकर सतत काहींना काही रेसिपी आणि फॅशन टिप्स चाहत्यांसोबत शेअर करत असतात. उपवासाच्या दिवशी साबुदाणा खिचडी, वडा, साबुदाण्याची उसळ, रताळ्याच्या किस इत्यादी काही ठराविक पदार्थ खाल्ले जातात. पण नेहमीच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. रताळी आरोग्यासाठी अतिशय पौष्टिक असतात. नियमित सकाळच्या नाश्त्यात रताळी खाल्ल्यास पोट भरलेले राहील आणि लवकर भूक लागणार नाही. रताळ्यामध्ये फायबर, विटामिन आणि पोषक घटक मोठ्या प्रमाणावर आढळून येतात, ज्यामुळे शरीराला ऊर्जा मिळते आणि आरोग्य सुधारते. जाणून घ्या रताळ्याचा हलवा बनवण्याची सोपी रेसिपी.
साहित्य:
रताळ
साखर
वेलची पावडर
जायफळ पावडर
सुका मेवा
तूप
दूध
कृती:
रताळ्याचा हलवा बनवण्यासाठी सर्वप्रथम, रताळी स्वच्छ धुवून घ्या. धुतलेल्या रताळ्याची साल काढून बारीक बारीक तुकडे करा.
कढईमध्ये तूप गरम करून त्यात रताळ्याचे तुकडे ४ ते ५ मिनिट खमंग परतवून घ्या. त्यानंतर त्यावर झाकण ठेवून वाफ काढून घ्या.
रताळ शिजल्यानंतर त्यात वाटीभर दूध घालून रताळी मॅश करा. नंतर त्यात साखर आणि वेलची पावडर घालून व्यवस्थित मिक्स करा.
१ वाफ आल्यानंतर त्यात जायफळ पावडर आणि सुका मेवा टाकून व्यवस्थित मिक्स करून घ्या.
तयार आहे सोप्या पद्धतीमध्ये बनवलेला रताळ्याचा हलवा. हा पदार्थ देवीच्या नैवेद्यासाठी किंवा उपवासाच्या दिवशी नाश्त्यात सुद्धा खाऊ शकता.
हेही वाचा :
श्रीलंकेचं स्पर्धेतील आव्हान संपुष्टात!
‘जिद्द ना सोडली’, योगिता मानेने बस चालवत रचला इतिहास;
श्रीमंतांनी टाकलेल्या जुन्या पुराण्या वस्तू विकून श्रीमंत झाली महिला,