कर्मचारी भविष्य निर्वाह निधी संघटना लवकरच नोकरदार वर्गासाठी एक अत्यंत दिलासादायक आणि आधुनिक सुविधा आणण्याच्या तयारीत आहे. या नव्या बदलामुळे नोकरीतून निवृत्त झाल्यानंतर कर्मचाऱ्यांना स्वतःच्या हक्काचे पैसे मिळवण्यासाठी कार्यालयांचे उंबरठे झिजवावे लागणार नाहीत. अंतिम दाव्याची रक्कम थेट त्यांच्या बँक खात्यात आपोआप जमा करण्याची प्रणाली विकसित केली जात आहे.
सध्याच्या नियमांनुसार, केवळ पाच लाख रुपयांपर्यंतची आगाऊ रक्कम काढण्यासाठी स्वयंचलित प्रक्रियेचा वापर केला जातो. मात्र, आता हीच पद्धत अंतिम सेटलमेंटसाठीही लागू करण्याचा विचार सुरू आहे. प्रसारमाध्यमांनी दिलेल्या वृत्तानुसार, एका वरिष्ठ अधिकाऱ्याने याबद्दल स्पष्ट संकेत दिले आहेत. या अत्याधुनिक तंत्रज्ञानाचा थेट फायदा भविष्यात निवृत्त होणाऱ्या देशभरातील सुमारे सात कोटी नोकरदारांना मिळणार आहे. (Organization) त्यामुळे निवृत्तीनंतर पीएफचे पूर्ण पैसे कोणतीही कटकट न होता थेट बँक खात्यात वर्ग होतील.
असोचॅम या संस्थेने नव्या कामगार संहितेवर आयोजित केलेल्या एका राष्ट्रीय स्तरावरील परिसंवादात कर्मचारी भविष्य निर्वाह निधी संघटनेचेकेंद्रीय आयुक्त रमेश कृष्णमूर्ती यांनी याबाबत सविस्तर माहिती दिली. (Organization) त्यांच्या मते, लवकरच ही स्वयंचलित अंतिम निपटारा प्रणाली अमलात आणली जाईल. सर्वात महत्त्वाचे म्हणजे, जेव्हा एखादा कर्मचारी आपली कंपनी बदलतो, तेव्हा त्याला पीएफ हस्तांतरित करण्यासाठी कोणताही अर्ज भरावा लागणार नाही; ही प्रक्रियादेखील पूर्णपणे आपोआप पार पडेल.
आयुक्तांनी दिलेल्या माहितीनुसार, नव्या कायदेशीर रचनेअंतर्गत तीन जुन्या योजनांना पुन्हा अधिसूचित करण्यात येणार आहे. यामध्ये ईपीएफ योजना १९५२कर्मचाऱ्यांच्या पीएफ योगदानावर आधारित विमा योजना १९७६ आणि कर्मचारी निवृत्तीवेतन योजना १९९५ यांचा समावेश आहे. केंद्रीय विश्वस्त मंडळाने नुकत्याच घेतलेल्या एका महत्त्वपूर्ण निर्णयात या तिन्ही योजना पुन्हा सुरू करण्यावर आपली सहमती दर्शवली आहे.
याव्यतिरिक्त, भविष्य निर्वाह निधीचे पैसे काढण्यासाठी लवकरच यूपीआय आणि एटीएमची सुविधाही सुरू केली जाऊ शकते. ईपीएफओ ३.० या अद्ययावत प्रणालीचा भाग असलेली ही सेवा याच महिन्याच्या अखेरीस सुरू होण्याची दाट शक्यता आहे. या नव्या सुविधेअंतर्गत खातेधारकांना खास एटीएम कार्ड दिले जाण्याची शक्यता आहे, (Organization) जेणेकरून त्यांना कोणत्याही कागदपत्रांच्या पूर्ततेशिवाय आणि पीएफ कार्यालयात फेऱ्या न मारता सहजपणे आपले पैसे काढता येतील.
हेही वाचा
सर्वसामान्यांची झोप उडवणारी बातमी पेट्रोल-डिझेलच्या किंमती वाढणार, RBI ने दिले संकेत
देवेंद्र फडणवीस यांचा तडकाफडकी मोठा निर्णय, आता सर्वच मंत्री हालचाली वाढल्या!
रेल्वे नोकर भरती आंदोलन प्रकरण राज ठाकरे कोर्टात हजर, न्यायालयात नेमकं काय घडलं?