IPL 2026 मध्ये सलग चार सामने जिंकत दमदार (winning spree) कामगिरी करणाऱ्या Rajasthan Royals संघाचा विजयाचा रथ अखेर थांबला आहे. Sunrisers Hyderabad संघाने हैदराबादच्या उप्पल स्टेडियमवर राजस्थानचा ५७ धावांनी पराभव करत स्पर्धेत जोरदार पुनरागमन केले.
या सामन्यात हैदराबादचा नवा स्टार Prafull Hinge ठरला. पदार्पणाच्या सामन्यातच त्याने घातक गोलंदाजी करत ४ विकेट घेतल्या आणि राजस्थानच्या फलंदाजीचा कणा मोडला. त्याला Saqib Hussain याचीही तितकीच प्रभावी साथ मिळाली; त्यानेही ४ बळी घेत राजस्थानला मोठा धक्का दिला.
२१७ धावांच्या मोठ्या लक्ष्याचा पाठलाग करताना राजस्थानची सुरुवात पूर्णपणे कोलमडली. Vaibhav Suryavanshi शून्यावर बाद झाल्यानंतर संघावर दबाव वाढला. Dhruv Jurel याच्यासह वरच्या फळीतील फलंदाज एकामागून एक बाद होत गेले. केवळ तीन षटकांत ९ धावांत ५ विकेट गमावल्याने सामना जवळपास हातातून निसटला. यानंतर Donovan Ferreira (६९) आणि Ravindra Jadeja (४५) यांनी १२२ धावांची भागीदारी करत डाव सावरण्याचा प्रयत्न केला. मात्र त्यांची झुंज अपुरी ठरली आणि राजस्थानचा डाव १५९ धावांत संपला.
त्याआधी फलंदाजी करताना हैदराबादची सुरुवात खराब झाली होती. Abhishek Sharma पहिल्याच चेंडूवर बाद झाला, तर Travis Head मोठी खेळी करू शकला नाही. मात्र कर्णधार Ishan Kishan याने आक्रमक खेळी करत सामना फिरवला. त्याने ४४ चेंडूत ९१ धावा ठोकत संघाला मजबूत स्थितीत नेले.
त्याला Heinrich Klaasen याची ४० धावांची साथ मिळाली, तर शेवटी Nitish Kumar Reddy आणि Salil Arora यांनी जलद धावा करत संघाचा स्कोअर २१७ पर्यंत पोहोचवला. या विजयासह हैदराबादने स्पर्धेत आपली ताकद दाखवून दिली, तर राजस्थानला या हंगामातील पहिल्या पराभवाचा सामना करावा लागला.
हे ही वाचा ;
मोबाईलच्या किमतीत मोठी वाढ; जाणून घ्या कोणत्या कंपनीचे फोन किती महाग झाले?
लाडक्या बहिणींची अर्जप्रक्रिया पुन्हा सुरु होणार? आदिती तटकरेंनी स्पष्टच सांगितलं
दहावी, बारावीच्या निकालाबाबत महत्त्वाची अपडेट, या दिवशी लागण्याची शक्यता