पंजाबमधील जालंधर शहरात घडलेल्या एका घटनेने संपूर्ण राज्यात खळबळ (incident) उडाली आहे. बस्ती गुजां परिसरात एका विवाहित महिलेला तिचा पती दुसऱ्या तरुणीसोबत आक्षेपार्ह अवस्थेत दिसल्याचा प्रकार समोर आला आहे. या घटनेनंतर परिसरात मोठा गोंधळ उडाला असून पोलिसांनी दोघांना ताब्यात घेत चौकशी सुरू केली आहे.
मिळालेल्या माहितीनुसार, संबंधित महिला काही (incident) दिवसांपासून माहेरी राहत होती. तिच्या म्हणण्यानुसार, गेल्या तीन वर्षांपासून पतीकडून तिला शारीरिक आणि मानसिक छळ सहन करावा लागत होता. दोन दिवसांपूर्वी झालेल्या वादानंतर पतीने तिला मारहाण करून घराबाहेर काढल्याचा आरोपही तिने केला आहे. गुरुवारी ती आपल्या अडीच वर्षांच्या मुलाचे कपडे घेण्यासाठी अचानक घरी परतली असता तिने पतीला दुसऱ्या मुलीसोबत खोलीत आक्षेपार्ह अवस्थेत पाहिले.
घटनेने संतप्त झालेल्या महिलेनं तात्काळ (incident) त्या खोलीला बाहेरून कुलूप लावले आणि आईला फोन करून बोलावून घेतले. त्यानंतर घराबाहेर मोठा गोंधळ सुरू झाला. परिसरातील नागरिक मोठ्या संख्येने जमा झाले. परिस्थिती नियंत्रणाबाहेर जाण्याची शक्यता लक्षात घेता बस्ती बाबा खेल पोलीस ठाण्याला माहिती देण्यात आली. पोलिसांनी घटनास्थळी पोहोचून कुलूप उघडले आणि संबंधित दोघांना बाहेर काढले.
दरम्यान, पीडित कुटुंबाने आरोप केला आहे की संबंधित व्यक्तीचे वडील भारतीय जनता पक्ष या (incident) पक्षाशी संबंधित असल्यामुळे पोलिस कारवाई करताना विलंब झाला. पोलिसांनी मात्र या आरोपांवर भाष्य करण्यास टाळाटाळ करत सर्व बाजूंनी चौकशी सुरू असल्याचे सांगितले आहे.घटनेनंतर संतप्त नातेवाईक आणि काही स्थानिकांनी पती व त्या तरुणीला मारहाण केल्याचीही माहिती समोर आली आहे. सध्या पोलिसांनी दोघांना ताब्यात घेतले असून महिलेकडून करण्यात आलेल्या छळाच्या आरोपांची तसेच संपूर्ण घटनेची सखोल चौकशी सुरू आहे. या प्रकारामुळे परिसरात तणावपूर्ण वातावरण निर्माण झाले असून पुढील कारवाईकडे सर्वांचे लक्ष लागले आहे.
हेही वाचा :
अल्पवयीन मुलांना सोशल मीडियावर बंदी? केंद्र सरकार घेणार मोठा निर्णय?
टीम इंडियाचा पहिला पराभव, ऑस्ट्रेलिया विरुद्ध मोठी संधी गमावली, काय झालं?
एपस्टीन फाइल्स प्रकरणात सर्वात मोठी अटक! या दिग्गजावर कारवाई होताच जगात खळबळ