लातूरमध्ये शेतजमिनीच्या वादातून एका ४५ वर्षीय मुलाने स्वतःच्या ७० वर्षीय आईची हत्या करून आत्महत्या केल्याची धक्कादायक घटना समोर आली आहे . या हृदयद्रावक घटनेने गाव हादरलं आहे.लातूरच्या सांगवी गावात मुलानेच जन्मदात्या आईची हत्या केली.आईला शेतात पुरल्यानंतर मुलाने गळफास घेऊन आत्महत्त्या(Suicide) केली.शेतजमिनीच्या विक्रीवरून वाद हा हत्येमागचा प्रमुख कारण असल्याचे समोर आले.रेनापूर पोलिस ठाण्यात गुन्हा दाखल असून तपास सुरू आहे.
लातूर जिल्ह्यातील रेनापूर तालुक्यातील सांगवी गावात एक अत्यंत हृदयद्रावक आणि धक्कादायक घटना समोर आली आहे. एका मुलाने स्वतःच्या ७० वर्षीय जन्मदात्या आईची निर्घृण हत्या केल्यानंतर स्वतःही गळफास घेऊन आत्महत्या(Suicides) केल्याने संपूर्ण परिसर हादरून गेला आहे. आई आणि मुलाच्या मृत्यूने गावात शोककळा पसरली असून, या घटनेमागील पार्श्वभूमी अधिकच सुन्न करणारी आहे.मिळालेल्या प्राथमिक माहितीनुसार, मृत महिलेचे नाव लक्ष्मीबाई घुगे (वय ७०) असून, तिच्या मुलाचे नाव बबन घुगे (वय अंदाजे ४५) असे आहे.
बबनने आपल्या आईचा खून केल्यानंतर तिला गावाजवळील उसाच्या शेतात गुपचूप पुरून टाकले. ही घटना काही दिवसांपूर्वीच घडलेली असून, स्थानिकांनी संशय व्यक्त करताच ही बाब उघडकीस आली. आई बेपत्ता असल्याचे लक्षात येताच गावकऱ्यांनी चौकशी सुरू केली आणि याच दरम्यान उसाच्या शेतात लक्ष्मीबाई यांचा मृतदेह आढळून आला.या प्रकरणात अधिक चौकशी केली असता, बबन याने आईच्या हत्येनंतर काही तासांतच स्वतःच्या राहत्या घराजवळील झाडाला गळफास लावून आत्महत्या केल्याचे स्पष्ट झाले.
घटनेची माहिती मिळताच रेनापूर पोलिसांनी घटनास्थळी धाव घेतली आणि दोन्ही मृतदेह ताब्यात घेऊन उत्तरीय तपासणीसाठी पाठवले आहेत.या घटनेमागील कारण शोधत असताना, लक्ष्मीबाई शेतजमीन विकण्यास विरोध करत असल्याची बाब पुढे आली आहे. आरोपी बबन शेत विकून पैसे मिळवण्याच्या विचारात होता, मात्र आईने या निर्णयाला विरोध केला. याच रागातून त्याने टोकाचं पाऊल उचलत आईचा जीव घेतल्याचं बोललं जातं आहे. हत्या केल्यानंतर मानसिक तणाव आणि अपराधगंडामुळे त्याने आत्महत्येचा मार्ग पत्करल्याचा अंदाज व्यक्त केला जातो.
या प्रकरणी रेनापूर पोलिस ठाण्यात गुन्हा दाखल करण्यात आला असून, अधिक तपास सुरू आहे. आई आणि मुलाच्या नात्याला काळिमा फासणारी ही घटना अत्यंत वेदनादायक असून, गावकऱ्यांमध्ये हळहळ व्यक्त केली जात आहे. नात्यांतील ताणतणाव कसा भयानक वळण घेऊ शकतो, याचे हे ठळक उदाहरण ठरत आहे.
हेही वाचा :
अमेरिकेतला “वेडा तुघलक”
चार बायका, काळ्या साड्या आणि गूढ रिंगण – त्या रात्री काय घडलं खरं?
तेजस्विनीचा खास अंदाज – नथ, नऊवारीत कोळी सौंदर्याची झलक!
