इंग्लंडविरुद्धच्या टी-20 मालिकेत भारतीय संघाच्या सलग अपयशानंतर चाहत्यांमध्ये मोठी नाराजी पाहायला मिळत आहे. तिसऱ्या सामन्यात झालेल्या दारुण पराभवानंतर प्रशिक्षक गौतम गंभीर (Indian team) यांना स्टेडियमबाहेर चाहत्यांच्या घोषणांचा सामना करावा लागला. या घटनेचा व्हिडिओ सोशल मीडियावर मोठ्या प्रमाणात व्हायरल होत आहे.
दारुण पराभवानंतर चाहत्यांचा संताप भारत आणि इंग्लंड यांच्यात सुरू असलेल्या टी-20 मालिकेत भारतीय संघाला सलग तिसऱ्या सामन्यातही पराभव पत्करावा लागला. नवीन कर्णधार श्रेयस अय्यर यांच्या नेतृत्वाखाली खेळणाऱ्या संघाला अद्याप विजयाची नोंद करता आलेली नाही. मालिकेतील तिसऱ्या सामन्यात इंग्लंडने तब्बल 125 धावांनी भारताचा पराभव केला. (Indian team) हा पराभव भारतीय संघासाठी अत्यंत निराशाजनक मानला जात असून संघाच्या कामगिरीवर सर्व स्तरांतून टीका होत आहे.नॉटिंगहॅम येथील ट्रेंट ब्रिज मैदानावर झालेल्या या सामन्यात भारतीय फलंदाजांची कामगिरी पूर्णपणे अपयशी ठरली. काही वर्षांपूर्वी याच मैदानावर सूर्यकुमार यादव यांनी शानदार शतक झळकावले होते, मात्र त्यावेळीही संघाला विजय मिळवता आला नव्हता. यावेळी तर भारतीय संघ अवघ्या 76 धावांत सर्वबाद झाला. कर्णधार श्रेयस अय्यरपासून 15 वर्षीय वैभव सूर्यवंशी पर्यंत एकाही फलंदाजाला मोठी खेळी करता आली नाही.
गंभीरसमोर संजू सॅमसनच्या समर्थनात घोषणाबाजी या पराभवानंतर पाच सामन्यांच्या मालिकेत भारत 0-2 ने पिछाडीवर गेल्याने चाहत्यांचा संताप अधिक वाढला. सामना संपल्यानंतर भारतीय संघ हॉटेलकडे रवाना होत असताना ट्रेंट ब्रिज स्टेडियमबाहेर अनेक भारतीय चाहते जमा झाले होते. (Indian team) खेळाडू आणि प्रशिक्षक बाहेर येताच चाहत्यांनी जोरदार घोषणाबाजी सुरू केली.या घोषणांमधून संजू सॅमसन याला पुन्हा भारतीय संघात संधी देण्याची मागणी करण्यात आली. प्रशिक्षक गौतम गंभीर स्टेडियमबाहेर आल्यानंतरही चाहते सातत्याने “We Want Sanju” अशा घोषणा देत होते. सोशल मीडियावर व्हायरल झालेल्या व्हिडिओमध्ये गंभीर यांनी या घोषणांकडे कोणतीही प्रतिक्रिया न देता उपकर्णधार तिलक वर्मा यांच्यासोबत शांतपणे संघाच्या बसमध्ये प्रवेश केल्याचे दिसून येते.
हेही वाचा :
इचलकरंजी बनली चिखलकरंजी नागरिक संतप्त महापौरांचे कामे थांबवण्याचे आदेश?
नृसिंहवाडीच्या दत्त मंदिरात दक्षिणद्वार सोहळा कृष्णामाई दत्तगुरूंच्या भेटीला भाविकांची स्नानपर्वणी?
