सध्या भारत आणि पाकिस्तान यांच्यातील तणावग्रस्त वातावरणाच्या पार्श्वभूमीवर, १९९९ च्या कारगिल युद्धादरम्यान घडलेला एक धक्कादायक परंतु भारतीय सैन्याच्या शौर्याचे दर्शन घडवणारा किस्सा पुन्हा एकदा चर्चेत आला आहे. ‘ऑपरेशन सिंदूर’ एअर स्ट्राईकच्या निमित्ताने या घटनेची आठवण ताजी झाली असून, पाकिस्तानी सैनिकांनी|(soldiers) भारतीय जवानांच्या मृतदेहांच्या बदल्यात बॉलिवूड अभिनेत्रींची मागणी केल्याचा हा प्रसंग आहे.
१९९९ च्या कारगिल युद्धादरम्यान, अनेक भारतीय जवानांचे मृतदेह पाकिस्तानच्या हद्दीत अडकले होते. गोळीबार सतत सुरू असल्याने ते परत आणणे भारतीय सैन्याला शक्य होत नव्हते. अशा तणावपूर्ण परिस्थितीत, एका पाकिस्तानी सैनिकाने (soldiers) वायरलेसवर एक विचित्र मागणी केली. “आम्हाला माधुरी दीक्षित द्या, आम्ही निघून जाऊ,” असे तो म्हणाला.
यावेळी, बटालियनचे नेतृत्व करत असलेले शहीद कॅप्टन विक्रम बत्रा यांनी या मागणीला आपल्या खास शैलीत प्रत्युत्तर दिले. त्यांनी आपल्या एके-४७ (AK-47) मधून गोळीबार करत म्हटले, “माधुरी दीक्षितकडून प्रेमाने!” कॅप्टन विक्रम बत्रा यांनी एका मुलाखतीत स्वतः या प्रसंगाचा उल्लेख केला होता आणि त्या काळात या घटनेची देशभरात खूप चर्चा झाली होती. यातून भारतीय सैनिकांचा दृढनिश्चय आणि शत्रूला जशास तसे उत्तर देण्याची वृत्ती दिसून येते.
याच युद्धादरम्यान, पाकिस्तानी सैनिकांनी(soldiers) अभिनेत्री रवीना टंडन हिचीही मागणी केल्याचा प्रकार घडला होता. अनेक भारतीय जवान शहीद झाले होते आणि त्यांचे मृतदेह परत मिळवण्यासाठी भारतीय सैनिक प्रयत्न करत होते. त्यावेळी पाकिस्तानी सैनिकांनी रवीना टंडनला भारताकडे सोपवण्याची मागणी केली होती.
विशेष म्हणजे, पाकिस्तानचे तत्कालीन पंतप्रधान नवाझ शरीफ यांनीही एका मुलाखतीत आपण अभिनेत्री रवीना टंडनचे मोठे चाहते असल्याचे आणि ती त्यांना खूप आवडत असल्याचे कबूल केले होते. ही बाब जेव्हा भारतीय सैनिकांना समजली, तेव्हा त्यांनी नवाझ शरीफ यांच्यासाठी एक मिसाईल पाठवले होते, ज्यावर “रवीना टंडनकडून नवाझ शरीफ यांच्यासाठी…” असा संदेश लिहिला होता.
तो फोटो आजही अनेकदा समाजमाध्यमांवर व्हायरल होत असतो आणि भारतीय सैन्याच्या समयसूचकतेची आणि निर्भीडपणाची आठवण करून देतो. सध्याच्या तणावग्रस्त परिस्थितीत, हे जुने किस्से भारतीय नागरिकांमध्ये आपल्या सैन्याबद्दलचा अभिमान आणि विश्वास दृढ करणारे ठरत आहेत.
हेही वाचा :
पाकिस्तानची नवीन कुरापत; भारताचं टेन्शन वाढणार?
अभिनेता विजय देवरकोंडाचा भारतीय सैन्याला मदतीचा हात; घेतला मोठा निर्णय
ब्रेकिंग : ‘ऑपरेशन सिंदूर’ मध्ये मसूद अझहरच्या भावासह ‘टॉप फाईव्ह’ दहशतवाद्यांच्या खात्मा
