आज इचलकरंजी महापालिकेत MRTC (मुंबई महानगर प्रदेश विकास प्राधिकरण) च्या वतीने एक महत्त्वपूर्ण बैठक पार पडली. जागतिक बँकेच्या सहकार्याने राबविण्यात येणाऱ्या पूर नियंत्रण व दुष्काळ व्यवस्थापन प्रकल्पांच्या(project) अनुषंगाने ही बैठक अत्यंत निर्णायक ठरली.
कोल्हापूर आणि सांगली जिल्ह्यांतील दरवर्षीच्या पुरपरिस्थितीचा सामना करण्यासाठी MRTC ने विशेष उपाययोजना आखल्या आहेत. जागतिक बँकेच्या आर्थिक मदतीने या भागांमध्ये प्रभावी पूर नियंत्रणासाठी आवश्यक पायाभूत सुविधा उभारण्याचे नियोजन सुरू आहे. यामध्ये नद्या आणि नाले व्यवस्थापन, जलसाठ्याची शास्त्रशुद्ध पुनर्रचना, आणि जलप्रवाह नियंत्रण यांसारख्या आधुनिक उपाययोजना समाविष्ट आहेत.
या प्रकल्पाचा एक महत्त्वपूर्ण भाग म्हणजे मराठवाड्यातील दुष्काळग्रस्त भागांसाठी कोल्हापूर-सांगली येथील अतिरिक्त पावसाचे पाणी वळवण्याची योजना. यामुळे मराठवाड्यातील पाण्याची टंचाई कमी होईल आणि शेती व पिण्याच्या पाण्याच्या गरजा पूर्ण होतील. या संदर्भातील माहिती द इंडियन एक्सप्रेसने प्रसिद्ध केली आहे.
या प्रकल्पा(project)अंतर्गत पूर नियंत्रणासोबतच दुष्काळ व्यवस्थापन, आपत्कालीन प्रतिसाद यंत्रणा, आणि स्थानिक पातळीवर क्षमता विकास यावरही भर देण्यात येणार आहे. स्थानिक यंत्रणांना पूर व दुष्काळ यांचा सामना करण्यासाठी प्रशिक्षण, आधुनिक साधने, व तांत्रिक सहाय्य पुरवले जाणार आहे.
या बैठकीत महापालिका प्रशासन, MRTC चे अधिकारी आणि जागतिक बँकेचे प्रतिनिधी यांनी प्रकल्पाच्या अंमलबजावणी संदर्भात सविस्तर चर्चा केली. इचलकरंजी शहर, तसेच पंचगंगा नदीकाठच्या परिसराला दरवर्षी पावसाळ्यात पुराचा मोठा फटका बसतो, अशा पार्श्वभूमीवर या प्रकल्पाची(project) अंमलबजावणी अत्यंत आवश्यक आहे. या माध्यमातून कोल्हापूर, सांगली आणि मराठवाडा या भागांतील नागरिकांना एकत्रित दिलासा मिळेल, असा विश्वास प्रशासनाने व्यक्त केला आहे.
हेही वाचा :
कायदे मंडळाचा सदस्यच जेव्हा कायदा हातात घेतो
बायकोला रोख रक्कम देताय, कापला जाईल टॅक्स
अखेर युट्यूबर अरमान मलिक करणार व्लॉगिंग बंद; चाहत्यांना बसला धक्का!
