मुंबई जिल्हा बँक निवडणुकीबाबत सर्वात मोठी अन् महत्त्वाची बातमी समोर आली आहे. मुंबई जिल्हा बँक निवडणुकीत महायुतीने एकत्र लढण्याचा निर्णय घेतला आहे. महायुती म्हणून दोन्ही पक्ष सहकार पॅनलमध्ये लढणार यावर शिक्कामोर्तब झाले आहे.
मुंबई जिल्हा बँक निवडणुकीबाबत सर्वात मोठी अन् महत्त्वाची बातमी समोर आली आहे. मुंबई जिल्हा बँक निवडणुकीत महायुतीने एकत्र लढण्याचा निर्णय घेतला आहे. महायुती म्हणून दोन्ही पक्ष सहकार पॅनलमध्ये लढणार यावर शिक्कामोर्तब झाले आहे. आज मुंबई जिल्हा बँकेच्या निवडणुकीसंदर्भात दोन्ही पक्षांची बैठक पार पडली. या बैठकीत दोन्ही पक्षांनी एकत्रित लढण्याचा निर्णय झाला आहे. (elections) याबाबत सविस्तर माहिती अशी की, मुंबई जिल्हा बँक निवडणूक महायुती म्हणून लढण्यावर शिक्कामोर्तब झाले आहे. आज शिवसेना नेते, उपसभापती सचिन अहिर यांच्या दालनामध्ये दोन्ही पक्षांच्या नेत्यांची बैठक झाली. भाजप नेते प्रविण दरेकर, सचिन अहिर, मंत्री उदय सामंत उपस्थित होते. या बैठकीमध्ये दोन्ही पक्षांकडून एकत्र लढण्याचा निर्णय झाला आहे.

सहकार पॅनेलच्या माध्यमातून दोन्ही पक्ष एकत्रपणे निवडणूक लढणार आहेत. मात्र जागा वाटपाचा तिढा कायम असून याबाबत मुख्यमंत्री देवेंद्र फडणवीस (elections) तसेच उपमुख्यमंंत्री एकनाथ शिंदे हे अंतिम निर्णय घेणार आहेत. आजच्या बैठकीतील नेत्यांसोबत पक्ष श्रेष्ठींची पुन्हा एकदा बैठक पार पडणार आहे, त्यानंतर जागा वाटप निश्चित होईल, अशी माहिती समोर आली आहे.
शिंदेंनी केली होती स्वबळासाठी चाचपणी शिवसेना शिंदे गटाकडून मुंबई जिल्हा बँकेची निवडणूक स्वतंत्र लढवण्याबाबत चाचपणी सुरु झाली होती. याबाबत पाडव्याच्या मुहूर्तावर एक महत्वाची बैठकही पार पडली होती. . बाळासाहेब भवन येथे झालेल्या बैठकीमध्ये उपसभापती सचिन आहिर, उपमहापौर संजय घाडी, मंगेश सातमकर आदी नेत्यांसह मुंबईमधील विभागप्रमुख तसेच शाखाप्रमुखही उपस्थित होते, त्यामुळे एकनाथ शिंदेंची शिवसेना या निवडणुकीत भाजपला शह देण्याचा प्लॅन करणार का याकडे राजकीय वर्तुळात चर्चा सुरु होत्या. (elections) दरम्यान, मुंबई जिल्हा बँक निवडणुकीवर भारतीय जनता पक्षाचे वर्चस्व आहे. सध्या या बँकेच्या संचालक मंडळात 20 सदस्य आहेत. आमदार प्रसाद लाड, तेजस्विनी घोसाळकर यांच्यासारख्या भाजप नेत्यांचा यामध्ये समावेश आहे. तसेच ठाकरेंच्या शिवसेनेचे आमदार सुनील राऊत यांचाही संचालक मंडळात समावेश आहे.
हेही वाचा :
दूध दरवाढीचा ग्राहकांना मोठा झटका, गोकुळकडून इतिहासामधली सर्वात मोठी दरवाढ
कबनूर येथे दोन घरफोड्यांमध्ये सव्वातीन लाखांचा ऐवज लंपास
थंडीच्या दिवसांत दही खाणे योग्य की अयोग्य आयुर्वेदात नेमकं काय म्हटलं