तृणमूल काँग्रेसच्या प्रमुख ममता बॅनर्जी यांनी तृणमूल छात्र परिषदेच्या स्थापना दिनाच्या कार्यक्रमात भाजपविरोधात आंतरराष्ट्रीय न्यायालयात जाण्याबाबत याबाबत संकेत दिले आहेत. याबाबत सविस्तर माहिती जाणून घेऊयात.
पश्चिम बंगालच्या माजी मुख्यमंत्री आणि तृणमूल काँग्रेसच्या प्रमुख ममता बॅनर्जी यांनी तृणमूल छात्र परिषदेच्या स्थापना दिनाच्या कार्यक्रमात भाजपविरोधात आंतरराष्ट्रीय न्यायालयात जाण्याबाबत याबाबत संकेत दिले आहेत. तृणमूल काँग्रेसला दबावाखाली आणता येणार नाही, (International) असा स्पष्ट संदेश त्यांनी दिला. कितीही गुन्हे दाखल झाले तरी त्याविरोधात आपण लढणार असून, गरज पडल्यास आंतरराष्ट्रीय स्तरावरही दाद मागू, असे त्यांनी म्हटले आहे. याबाबत सविस्तर माहिती जाणून घेऊयात.
गेल्या काही काळापासून तृणमूल काँग्रेसच्या दोन्ही गटांमध्ये छात्र परिषदेच्या स्थापना दिनाच्या कार्यक्रमावरून संघर्ष सुरू आहे. कालीघाट तृणमूल काँग्रेसला बिर्ला तारांगणासमोर सभा घेण्याची परवानगी देण्यात आली होती. (International) याच ठिकाणी आज तृणमूल छात्र परिषदेचा स्थापना दिन साजरा करण्यात आला. या कार्यक्रमाच्या मंचावरून ममता बॅनर्जी यांनी विद्यार्थी आणि कार्यकर्त्यांना आंदोलनाचे आवाहन केले. विद्यार्थी आणि तरुणांनी रस्त्यावर उतरून आंदोलन केले पाहिजे. गरज पडली तर तुरुंगात जा. एक महिना तुरुंगातील अन्न खावे लागले तरी चालेल, पण भाजपचे अन्न खाऊ नका असे ममता बॅनर्जी यांनी म्हटले.
आपल्या भाषणात ममता बॅनर्जी यांनी भाजपला थेट इशारा दिला. त्या म्हणाल्या, ‘तुम्ही 14 हजार गुन्हे दाखल केले आहेत? कल्याण बॅनर्जी सर्वोच्च न्यायालयात लढत आहेत. मीही न्यायालयात जाईन. गरज पडली तर आंतरराष्ट्रीय न्यायालयातही जाईन. हे लक्षात ठेवा, सरकारही उघडे पडेल आणि अटक करणारेही उघडे पडतील.’ ममता बॅनर्जी यांनी आपण लवकरच विविध जिल्ह्यांचा दौरा सुरू करणार असल्याचेही सांगितले. मात्र, या दौऱ्यांना परवानगी नाकारण्यात आली तर आपण थेट रस्त्यावर उतरू, असा इशारा त्यांनी दिला.
जुलूस आणि सभा आयोजित करण्यासाठी पोलिसांची परवानगी घेण्याच्या मुद्द्यावरही ममता बॅनर्जी यांनी प्रश्न उपस्थित केला. ‘हा लोकशाही आंदोलनाचा मुद्दा आहे. मी वारंवार न्यायालयाकडून परवानगी का घ्यावी? न्यायालयात आधीच अनेक प्रकरणे आहेत. तुम्ही न्यायालयाचा वेळ का वाया घालवत आहात? आता पोलिसांनी परवानगी दिली नाही तर मी जनतेकडून परवानगी घेईन, असे त्या म्हणाल्या.
भाजपवर निशाणा साधताना ममता बॅनर्जी यांनी प्रशासनाच्या भूमिकेवरही नाराजी व्यक्त केली. (International) त्या म्हणाल्या की, ‘प्रशासनाने देशद्रोह्यांच्या रॅलीसाठी सकाळी 9 वाजल्यापासून माझ्या घराजवळील सर्व रस्ते बंद केले. मात्र, इथून वाहनांना जाण्याची परवानगी देऊन ते जनतेला त्रास देत आहेत. एखादी दुर्घटना घडल्यास परिस्थिती हाताळण्याची जबाबदारी प्रशासनावर असेल, असेही त्यांनी म्हटले. रुग्णवाहिकांसाठी मार्ग मोकळा करण्यास पोलिसांनी सहकार्य करावे, असे आवाहन त्यांनी केले. तसेच आपल्या कार्यकर्त्यांनीही पोलिसांना सहकार्य करावे, अशी सूचना ममता बॅनर्जी यांनी केली.
हेही वाचा :
अजितदादा, तू कुठूनतरी अचानक येशील, अन् राखी पौर्णिनिमित्त सुप्रिया सुळेंची भावुक पोस्ट?
सप्टेंबर महिना मुंबईकरांसाठी डोकेदुखी ठरणार, साखर, दूधनंतर आता प्रवासही महागणार?
एकामागून एक महाआपत्ती नेपाळच का बनतंय निसर्गाचं ‘फेव्हरेट टार्गेट’?
