राज्यात सध्या हवामानाने अनिश्चिततेचा चेहरा धारण केला असून नागरिकांना एकाच वेळी उष्णतेचा तडाखा आणि पूर्वमोसमी पावसाच्या सरींचा अनुभव घ्यावा लागत आहे. भारतीय हवामान विभाग (IMD) च्या ताज्या अंदाजानुसार, राज्यातील विविध भागांत वेगवेगळ्या हवामान परिस्थिती निर्माण होत आहेत, (pre-monsoon) ज्यामुळे जनजीवनावर परिणाम होताना दिसत आहे.
कोकण आणि विदर्भात उष्णतेची लाट कायम राहण्याची शक्यता व्यक्त करण्यात आली आहे. मुंबई, ठाणे, रायगड आणि रत्नागिरी या किनारपट्टी भागांत उष्ण व दमट हवामानामुळे नागरिकांना प्रचंड उकाड्याचा सामना करावा लागत आहे. दुसरीकडे अकोला, अमरावती आणि वर्धा येथे तापमानाने ४४ अंशांच्या पुढे झेप घेतल्याने आरोग्याच्या समस्या वाढण्याची भीती व्यक्त केली जात आहे.
पश्चिम महाराष्ट्र आणि मराठवाड्यात मात्र वातावरणात अस्थिरता वाढल्याने वादळी पावसाचे संकेत मिळत आहेत. पुणे, सातारा, सांगली, सोलापूर आणि कोल्हापूर तसेच मराठवाड्यातील परभणी, लातूर आणि नांदेड या भागांसाठी यलो अलर्ट जारी करण्यात आला आहे. या ठिकाणी दुपारनंतर वाऱ्याचा वेग वाढून मेघगर्जनेसह हलक्या ते मध्यम सरी कोसळण्याची शक्यता वर्तवण्यात आली आहे.
गेल्या २४ तासांत तापमानात लक्षणीय वाढ नोंदवली गेली आहे. नागपूरसह भंडारा, गडचिरोली आणि यवतमाळ येथे तापमान ४३ अंशांच्या पुढे गेले आहे, तर महाबळेश्वर येथे तुलनेने थंड हवामानाची नोंद झाली आहे.
दरम्यान, कोकण आणि मध्य महाराष्ट्रात काही ठिकाणी विजांसह पावसाच्या सरी कोसळल्याने उकाड्यापासून थोडा दिलासा मिळाला आहे. विशेषतः रायगड आणि सिंधुदुर्ग जिल्ह्यांत झालेल्या पावसामुळे वातावरणात गारवा निर्माण झाला. हवामानातील या दुहेरी बदलामुळे नागरिकांनी सतर्क राहून उष्माघात आणि वादळी पावसापासून बचाव करण्याचे आवाहन प्रशासनाने केले आहे.
हेही वाचा
आप पक्षाला मोठा धक्का राघव चड्ढासह 7 खासदारांचा भाजपमध्ये प्रवेश
ऐकायला कमी येतंय, आहारात या पदार्थांचा समावेश करा दिसून येईल फरक
27 एप्रिलला सर्वात दुर्मिळ योग, 3 लकी राशींचं नशीब फळफळणार, पैशांचा पाऊस पडणार?