अमेरिकेची राजधानी Washington, D.C. येथे राष्ट्राध्यक्ष Donald Trump आणि उपराष्ट्राध्यक्ष JD Vance यांच्या उपस्थितीत आयोजित करण्यात आलेल्या एका स्नेहभोजन कार्यक्रमात अचानक झालेल्या गोळीबारामुळे खळबळ उडाली आहे. या घटनेने सुरक्षा व्यवस्थेबाबत गंभीर प्रश्न उपस्थित केले असले तरी (sudden shooting) सुदैवाने ट्रम्प आणि इतर प्रमुख नेते कोणत्याही दुखापतीशिवाय सुरक्षित राहिले आहेत.
या प्रकरणात सुरक्षा यंत्रणांनी Cole Thomas Allen नावाच्या ३१ वर्षीय संशयिताला अटक केली आहे. तपासातून समोर आलेल्या माहितीनुसार, ॲलन हा सामान्य गुन्हेगार नसून उच्चशिक्षित आणि तांत्रिक क्षेत्राशी संबंधित व्यक्ती आहे. तो California राज्यातील Torrance शहरात राहणारा असून त्याने प्रतिष्ठित California Institute of Technology मधून मेकॅनिकल इंजिनिअरिंगचे शिक्षण घेतले आहे. याशिवाय त्याने कॉम्प्युटर सायन्समध्येही उच्च पदवी मिळवली असून तो कॉम्प्युटर सायंटिस्ट आणि इंडी गेम डेव्हलपर म्हणून काम करत होता. तो विद्यार्थ्यांना शिकवण्याचे कामही करत असल्याची माहिती समोर आली आहे.
या प्रकरणाला अधिक गंभीर वळण देणारी बाब म्हणजे ॲलनचा NASA या अमेरिकन अंतराळ संस्थेशी संबंध असल्याचे उघड झाले आहे. त्याने Jet Propulsion Laboratory येथे समर रिसर्च फेलोशिप पूर्ण केली होती, ज्यामुळे तो ‘नासा फेलो’ म्हणूनही ओळखला जात होता. त्यामुळे इतक्या उच्चशिक्षित आणि प्रतिष्ठित संस्थांशी संबंधित व्यक्तीकडून असा हल्ला झाल्याने तपास यंत्रणा अधिकच सतर्क झाल्या आहेत.
मिळालेल्या माहितीनुसार, ॲलन पूर्ण तयारीनिशी कार्यक्रमस्थळी पोहोचला होता आणि त्याच्याकडे शॉटगन, पिस्तूल यांसारखी घातक शस्त्रे होती. तो व्हीआयपी क्षेत्रात घुसण्याचा प्रयत्न करत असताना सुरक्षा कर्मचाऱ्यांनी त्याला अडवले. यावेळी दोघांमध्ये चकमक झाली आणि गोळीबार सुरू झाला. या घटनेत एक सुरक्षा रक्षक जखमी झाला, मात्र त्याने बुलेटप्रूफ जॅकेट परिधान केलेले असल्याने त्याचा जीव वाचला.
घटनेनंतर सिक्रेट सर्व्हिस आणि इतर सुरक्षा दलांनी तातडीने कारवाई करत संशयिताला ताब्यात घेतले आणि संभाव्य मोठा अनर्थ टाळला. सध्या या घटनेचा सखोल तपास सुरू असून हल्ल्यामागील नेमका उद्देश काय होता, याचा शोध घेतला जात आहे.
हेही वाचा
बायपास झाल्याचे माहित असूनही छातीवर हल्ला, रत्नागिरीत जुन्या वादातून हत्या 17 दिवसांनी आरोपी अटकेत