भारताचा वेस्ट इंडिजविरुद्ध दुसरा टी-२० सामना रंगला जो भारतीय संघाने गमावला, (Shreyas Iyer) यानंतरही कर्णधार श्रेयस अय्यरला संघातील खेळाडूंचे प्रचंड कौतुक आहे.
भारत आणि वेस्ट इंडिज यांच्यात टी-२० मालिका सुरु आहे. या मालिकेतील दुसरा टी-२० सामना भारतीय संघाने गमावला. भारतीय संघाकडून हवी तशी गोलंदाजी झाली नाही. केवळ एका गोलंदाजाने चांगली कामगिरी केली. आता या सामन्यातील पराभवानंतरही कर्णधार श्रेयस अय्यर प्रचड खूश आहे.खेळपट्टीची स्थिती पाहता किती धावा पुरेशा ठरल्या असत्या, या प्रश्नाला उत्तर देताना तो म्हणाला, “खरं सांगायचं तर, तुम्ही कोणताही विशिष्ट आकडा सांगू शकत नाही. जेव्हा दव पडायला लागतं, तेव्हा त्याचा खूप मोठा परिणाम होतो. २४९ धावांचे लक्ष्य दोन षटके शिल्लक असतानाच पूर्ण झाले. (Shreyas Iyer) त्यामुळे, आपण किती धावा करायला हव्यात याचा कोणताही आकडा किंवा पूर्वअंदाज लावू शकत नाही.”
सामन्यादरम्यान, भारतीय संघाला आणखी एका गोलंदाजाची उणीव भासत होती. या प्रश्नाला उत्तर देताना तो म्हणाला, “चुकीला फारच कमी वाव होता. जर तुम्ही योग्य ठिकाणी आलेला चेंडू चुकला असता, तर तो थेट प्रेक्षकांमध्ये जाऊन पडला असता. संपूर्ण सामन्यात ते किती चांगली फलंदाजी करत होते हे तुम्ही पाहिलंच. आम्ही काही संधी गमावल्या. पण हा खेळाचाच एक भाग आहे. जिथे त्यांचे श्रेय आहे, तिथे ते दिलेच पाहिजे. ते अप्रतिम फलंदाजी करुन गेले. ज्यासाठी ते सर्व श्रेयास पात्र आहेत.”
दुसऱ्या टी-२० आंतरराष्ट्रीय सामन्यात भारतीय संघाला निश्चितच पराभवाला सामोरे जावे लागले. मात्र, सामन्यादरम्यान सॅमसन आणि मयंक यादव यांची कामगिरी कौतुकास्पद होती. या दोन खेळाडूंच्या कामगिरीवर भाष्य करताना श्रेयस अय्यर म्हणाला, “दोन्ही खेळाडूंनी आपापल्या विभागात उत्कृष्ट कामगिरी केली. आम्ही संजू आणि अभिषेककडून वेळोवेळी अशाच कामगिरीची अपेक्षा करतो. ज्या प्रकारे ते खेळत आहेत आणि जबाबदारी घेत आहेत ते अप्रतिम आहे. मयंकनेही उत्कृष्ट कामगिरी केली. (Shreyas Iyer) त्याच्या तीन विकेट्समुळे आम्ही सामन्यात टिकून राहिलो. पण त्यानंतर एक भागीदारी झाली आणि सामन्याची गती पूर्णपणे त्यांच्या बाजूने वळली.”
हेही वाचा :
‘गोकुळ’साठी तालुक्याच्या ठिकाणी मतदान मतमोजणी कोल्हापुरात!
सर्वात मोठी बातमी शिवसेना कुणाची सुनावणी कधी संपणार फैसला कधी
