टी 20 वर्ल्ड कप 2026 स्पर्धेत यंदा एकूण 20 संघ सहभागी झाले असून स्पर्धेची (T20 World Cup) सुरुवात चुरशीच्या लढतींनी झाली आहे. आतापर्यंत 12 संघांनी आपापले पहिले सामने खेळले असून पॉइंट्स टेबलमध्ये अनेक संघांची स्थिती समान दिसत आहे. टीम इंडियासह चार संघांचे गुण समान असले तरी रनरेटमुळे क्रमवारीत फरक पडताना पाहायला मिळत आहे. काल श्रीलंका आणि आयर्लंड यांच्यात झालेल्या सामन्यानंतर पॉइंट्स टेबलचे गणित अधिक स्पष्ट झाले आहे.
टी 20 वर्ल्ड कप 2026 मध्ये संघांची चार गटांत (T20 World Cup) विभागणी करण्यात आली आहे. ग्रुप ए मध्ये भारत, पाकिस्तान, USA, नेदरलँड्स आणि नामीबिया या संघांचा समावेश आहे. यातील नामीबिया वगळता उर्वरित चार संघांनी आपले पहिले सामने खेळले आहेत. भारत आणि पाकिस्तान दोन्ही संघांकडे प्रत्येकी दोन गुण असले तरी चांगल्या रनरेटच्या जोरावर टीम इंडिया सध्या या गटात अव्वल स्थानावर आहे. नेदरलँड्स तिसऱ्या तर USA चौथ्या स्थानावर आहे. नामीबियाने अद्याप एकही सामना खेळलेला नसल्यामुळे ते गटात शेवटच्या स्थानावर आहे.
ग्रुप बी मध्ये श्रीलंका, आयर्लंड, ऑस्ट्रेलिया, ओमान आणि झिम्बाब्वे (T20 World Cup) हे संघ आहेत. 8 फेब्रुवारी रोजी झालेल्या सामन्यात श्रीलंकेने आयर्लंडवर विजय मिळवत गटात आघाडी घेतली आहे. श्रीलंका सध्या टॉपवर असून आयर्लंड दुसऱ्या स्थानावर आहे. ऑस्ट्रेलिया, ओमान आणि झिम्बाब्वे यांनी अजून आपल्या वर्ल्ड कप मोहिमेला सुरुवात केलेली नाही.
ग्रुप सी मध्ये वेस्ट इंडिज, इंग्लंड, नेपाळ, स्कॉटलंड आणि इटली हे संघ आहेत. इटली (T20 World Cup) वगळता इतर चार संघांनी आपापले पहिले सामने खेळले आहेत. वेस्ट इंडिज आणि इंग्लंड दोन्ही संघांनी एक-एक सामना जिंकत समान गुण मिळवले आहेत. मात्र वेस्ट इंडिजचा रनरेट इंग्लंडपेक्षा चांगला असल्यामुळे वेस्ट इंडिज सध्या गटात अव्वल स्थानावर आहे.
ग्रुप डी मध्ये अद्याप बहुतांश संघांनी सामने खेळलेले नाहीत. न्यूझीलंड आणि (T20 World Cup) अफगाणिस्तान यांच्यात झालेल्या सामन्यात न्यूझीलंडने विजय मिळवला आहे. कॅनडा, दक्षिण आफ्रिका आणि UAE या संघांनी अजूनपर्यंत एकही सामना खेळलेला नाही. त्यामुळे या गटातील स्पर्धा पुढील सामन्यांनंतर अधिक रंगतदार होण्याची शक्यता आहे.
टी 20 वर्ल्ड कपच्या सुरुवातीच्या टप्प्यातच पॉइंट्स टेबलमध्ये चुरस निर्माण झाली असून आगामी सामन्यांत रनरेट आणि विजय यांचा समीकरणांवर मोठा प्रभाव पडणार आहे.
हेही वाचा :
आधावरचा पत्ता नाव किंवा ई-मेल चुकलाय? हे App डाउनलोड करा अन् मिनिटांत चुका करा
अजित पवार यांच्या आठवणीत मुलगा जय पवार भावूक; सोशल मीडियावर व्यक्त केल्या भावना
‘या’ जन्मतारखेला जन्मलेली लोक प्रचंड नशीबवान असतात; गुरू ग्रहाची असते मोठी