आजरा-आंबोली मार्गावरील धनगरमोळाजवळ कारवरील ताबा सुटून झालेल्या अपघातात अकरावीतील विद्यार्थ्याचा जागीच मृत्यू झाला. समर्थ पांडुरंग पांगम (वय १७, रा. परोली रोड, आजरा) असे त्याचे नाव आहे. संस्कार अमित सुतार (१७, रा. बर्डे गल्ली, आजरा) हा गंभीर जखमी असून प्रथमेश ढुंडाप्पा वाजंत्री (१७, रा. गांधीनगर, आजरा) सुखरूप बचावला आहे. हा अपघात बुधवारी दुपारी दीड वाजण्याच्या सुमारास घडला.
समर्थ, संस्कार आणि प्रथमेश हे तिघेही आजरा महाविद्यालयात अकरावी विज्ञान शाखेत शिकतात. (car accident) परीक्षेचा शेवटचा पेपर संपल्यानंतर सुट्टी सुरू होत असल्याने तिघांनी कारने फिरण्याचा बेत आखला. हॉटेलमध्ये जेवण करून परत येत असताना धनगरमोळाजवळ चालकाचे गाडीवरील नियंत्रण सुटले आणि कार रस्त्यापलीकडे जाऊन झाडावर जोरात आदळली. हा अपघात एवढा भीषण होता की, समर्थचा जागीच मृत्यू झाला. अपघाताची माहिती मिळताच स्थानिकांनी घटनास्थळी धाव घेतली. (car accident) गंभीर जखमी संस्कारला तातडीने गडहिंग्लज येथील रुग्णालयात दाखल करण्यात आले. कारच्या मागील सीटवर बसलेला प्रथमेश सुखरूप वाचला. आजरा पोलीस ठाण्याचे सहायक पोलीस निरीक्षक बाळासाहेब सरवदे यांनी घटनास्थळी भेट देऊन पंचनामा केला.
संघर्षातून उभा राहिलेल्या कुटुंबाला धक्का मृत समर्थ हा अभ्यासात हुशार आणि प्रामाणिक होता. मूळच्या कोकणातील असलेल्या (car accident) त्याच्या वडिलांनी अत्यंत संघर्षातून आंबोली मार्गावर स्वतःची नर्सरी विकसित केली आहे. फळ व फूलझाडांच्या रोपांची विक्री करून कुटुंबाची आर्थिक प्रगती होत असतानाच एकुलता मुलगा गमावल्यामुळे पांगम कुटुंबावर दुःखाचा डोंगर कोसळला आहे.
हेही वाचा :
शेतकऱ्यांना गोड बातमी अखेर आज आणि उद्या 5000 रुपये खात्यात येणार, सरकारची दिवाळी गिफ्ट
दिवाळीच्या एक दिवस आधीच राज ठाकरे यांचा सर्वात मोठा निर्णय, ट्विट करत म्हणाले
निवडणूक हरताच ट्रम्प लाइनवर आले, भारताला दिलासा देणारी मोठी घोषणा
