आज देशातील सराफा बाजारात सोन्याच्या दराने पुन्हा उसळी घेतली आहे. दिल्ली, मुंबईसह अनेक प्रमुख शहरांमध्ये 22 आणि 24 कॅरेट सोन्याच्या किमती वाढल्या आहेत. (prices) जागतिक बाजारातील सकारात्मक संकेत, स्थानिक मागणी आणि अमेरिकन बॉण्ड यील्डमधील घसरण यामुळे सोन्याला बळ मिळाले. सणासुदीच्या पार्श्वभूमीवर ग्राहकांसाठी मात्र वाढलेले दर चिंता वाढवणारे आहेत.
दिल्ली येथील सराफा बाजारात 13 ऑगस्टच्या सकाळच्या सत्रात 24 कॅरेट सोन्याचा भाव प्रति 10 ग्रॅम 1,55,020 रुपयांवर पोहोचला. (prices) त्याचवेळी 22 कॅरेट सोन्यासाठी ग्राहकांना 1,42,110 रुपये मोजावे लागत आहेत. मुंबई बाजारातही दर जवळपास याच पातळीवर राहिले. येथे 24 कॅरेट सोन्याची किंमत 1,54,870 रुपये, तर 22 कॅरेट सोन्याचा भाव 1,41,960 रुपये प्रति 10 ग्रॅम नोंदवला गेला.अहमदाबाद आणि चेन्नई येथे 22 कॅरेट सोन्याचा दर 1,42,010 रुपये असून 24 कॅरेट सोन्यासाठी 1,54,920 रुपये भाव आहे. कोलकाता , हैदराबाद आणि भोपाळ येथे 22 कॅरेट सोन्याचा दर 1,41,960 रुपये, तर 24 कॅरेटसाठी 1,54,870 रुपये आहे. जयपूर , लखनऊ आणि चंदीगड येथे 22 कॅरेटचा भाव 1,42,110 रुपये, तर 24 कॅरेट सोन्याचा दर 1,55,020 रुपये प्रति 10 ग्रॅम आहे.
दरम्यान, सोन्याच्या तुलनेत चांदीच्या बाजारात वेगळी स्थिती पाहायला मिळाली. 13 ऑगस्टच्या सकाळी चांदीचा दर कमी होऊन 2,54,900 रुपये प्रति किलोग्रॅम झाला. आंतरराष्ट्रीय बाजारात स्पॉट सिल्व्हर 66.23 डॉलर प्रति औंसवर व्यवहार करत आहे. (prices) त्यामुळे एकीकडे सोन्याच्या दरात तेजी असताना दुसरीकडे चांदीच्या किमतीत घसरण झाल्याचे चित्र आहे.आता पुढील काळात अमेरिकेतील महागाईची आकडेवारी आणि डॉलरची वाटचाल यासोबतच बॉण्ड यील्ड आणि अमेरिकेच्या व्याजदरांबाबतच्या अपेक्षा महत्त्वाच्या ठरणार आहेत. या घटकांमध्ये लक्षणीय बदल झाल्यास त्याचा परिणाम प्रथम आंतरराष्ट्रीय बाजारातील सोन्याच्या किमतीवर होऊ शकतो. त्यानंतर त्याचे पडसाद भारतीय सराफा बाजारात उमटण्याची शक्यता आहे.
हेही वाचा :
पेट्रोल-डिझेलच्या दरात मोठा बदल? सर्वसामान्याचं टेन्शन वाढलं?
