जर तुम्ही तुमचे एखादे जुने किंवा वापरात नसलेले बँक खाते कायमचे बंद करण्याचा विचार करत असाल, तर बँक प्रशासनाकडे अर्ज देण्यापूर्वी काही अत्यंत महत्त्वाच्या तांत्रिक बाबी तपासून घेणे गरजेचे आहे. (bank account) अन्यथा, दंड आणि इतर शुल्कांमुळे तुमचे मोठे नुकसान होऊ शकते.
१. खात्यातील शिल्लक रक्कम शून्य न करणे
बँक खाते बंद करण्याचा अर्ज करण्यापूर्वी सर्वात आधी खात्यात जमा असलेली रक्कम तपासून पहा. अनेकदा नागरिक खात्यातील पैसे काढणे किंवा ते दुसऱ्या खात्यात हस्तांतरित करणे विसरतात. जर खात्यात काही रक्कम शिल्लक राहिली, तर बँक खाते बंद करण्याचे शुल्क किंवा इतर प्रलंबित शुल्कापोटी ती रक्कम कापून घेऊ शकते. (bank account) त्यामुळे खाते पूर्णपणे बंद करण्यापूर्वी त्यातील अधिकृत शिल्लक शून्य असल्याची खात्री करून घ्या.
२. ऑटो-डेबिट आणि ईएमआय लिंक्स न हटवणे
जर तुमचे हे जुने खाते कोणत्याही कर्जाच्या हप्त्यांशी (EMI), म्युच्युअल फंड मधील एसआयपी (SIP), वीज बिले किंवा वेगवेगळ्या ओटीटी (OTT) सबस्क्रिप्शनच्या ‘ऑटो-डेबिट’ प्रणालीशी जोडलेले असेल, तर ते आधी तात्काळ काढून टाका किंवा दुसऱ्या चालू खात्याशी लिंक करा. खाते बंद झाल्यानंतरही जर संबंधित कंपन्यांनी त्या खात्यातून पैसे ओढण्याचा प्रयत्न केला आणि पेमेंट बाऊन्स झाले, तर तुम्हाला कायदेशीर कचाट्यासह मोठा दंड आणि बँक चार्जेस भरावे लागू शकतात.
३. बँकेकडून अधिकृत पोचपावती न घेणे
केवळ बँकेच्या शाखेत जाऊन खाते बंद करण्याचा अर्ज देणे पुरेसे नसते. भविष्यातील संभाव्य वाद, तांत्रिक त्रुटी किंवा नाहक शुल्क आकारणी टाळण्यासाठी बँकेकडून नेहमी लेखी स्वरूपात पोचपावती किंवा ईमेलद्वारे अधिकृत पुष्टीकरण आवर्जून मागून घ्या. तुमचे खाते नियमानुसार पूर्णपणे बंद झाले आहे, याचा हा एकमेव कायदेशीर पुरावा असतो.
डिजिटल सुरक्षेचा ‘हा’ नियमही आहे महत्त्वाचा बँकेकडून खाते बंद झाल्याची अधिकृत माहिती मिळाल्यानंतर, तुमच्या मोबाईलमधील डिजिटल सुरक्षेची काळजी घेणे आवश्यक आहे. (bank account) ग्राहकांनी संबंधित बँकेचे नेट बँकिंग पोर्टल, मोबाईल बँकिंग ॲप आणि गुगल पे , फोनपे यांसारख्या सर्व युपीआय ॲप्समधून ते खाते तात्काळ ‘अनलिंक’ किंवा लॉग आउट करावे. जुना बँकिंग इतिहास, डेटा सुरक्षित ठेवण्यासाठी आणि ओटीटी ॲक्सेसच्या गैरवापरापासून वाचण्यासाठी या डिजिटल नियमांचे पालन करणे अत्यंत गरजेचे आहे.
हेही वाचा :
कमी वयात केस पांढरे होतायेत? 5 कारणे ठरू शकतात जबाबदार?
क्रिकेट विश्वात खळबळ इंग्लंड पराभवानंतर गंभीरसमोर ‘संजू’च्या घोषणा?
पंतप्रधान मोदींना इंडोनेशियाचा सर्वोच्च नागरी सन्मान प्रदान?
