रिलायन्स जिओनं काही दिवसांपूवी आपल्या ग्राहकांसाठी एक खास ऑफर आणली होती. ‘जिओ(Jio) अनलिमिटेड’ असं या ऑफरचं नाव होतं, ही ऑफर आता 25 मे 2025 पर्यंत वाढवण्यात आली आहे. सुरुवातीला ही ऑफर फक्त 17 मार्च ते 31 मार्च 2025 पर्यंतच उपलब्ध होणार होती. परंतु नंतर 15 दिवसांची मुदतवाढ देऊन 15 एप्रिल 2025 पर्यंत ऑफर उपलब्ध करण्यात आली होती. त्यानंतर पुन्हा 15 दिवसांच्या मुदत वाढी नंतर 30 एप्रिल 2025 पर्यंत मुदत देण्यात आली होती. आता कंपनीने थेट 25 मे 2025 पर्यंत या ऑफरचा कालावधी वाढवला आहे.
या ऑफरची मुदत वाढवण्याचं कारण म्हणजे 25 मे 2025 रोजी IPL 2025 चा अंतिम सामना आहे. IPL च्या काळात जास्तीत जास्त ग्राहकांना आकर्षित करण्यासाठी जिओने ही ‘जिओ अनलिमिटेड’ ऑफर आणली आहे. चला, या ऑफरबद्दल सविस्तर माहिती घेऊया.
जिओची ही अनलिमिटेड ऑफर प्रीपेड आणि पोस्टपेड मोबाईल युजर्ससाठी आहे. ज्या ग्राहकांनी 299 रुपये किंवा त्याहून अधिक किमतीचे रिचार्ज प्लॅन घेतले आहेत, त्यांना या ऑफरचा लाभ मिळेल. त्याचबरोबर, त्या प्लॅनमध्ये रोज 1.5 GB डेटा किंवा त्याहून अधिक डेटा ऑफर केला जात असावा. परंतु यात काही प्लॅन असे आहेत ज्यांवर ही ऑफर लागू होत नाही. उदाहरणार्थ, JioPhone, JioBharat आणि फक्त व्हॉईस कॉलिंग असणारे स्वस्त प्लॅन वापरणाऱ्या प्रीपेड ग्राहकांना या ऑफरचा फायदा मिळणार नाही.
जे ग्राहक या ऑफरसाठी पात्र ठरतात, त्यांना JioHotstar Mobile चा ॲक्सेस मोफत मिळेल. ही ऑफर 25 मे 2025 पर्यंतच आहे. JioHotstar Mobile ॲक्सेसमुळे ग्राहक IPL 2025 चे सामने आपल्या मोबाईलवर लाईव्ह बघू शकतील. त्याचबरोबर, त्याच्या आवडीचे टीव्ही शो आणि चित्रपटसुद्धा बघता येतील.
जिओने याच ऑफरमध्ये होम वायफाय ऑफरसुद्धा जोडली आहे. या ऑफरनुसार, निवडक ग्राहकांना JioFiber किंवा Jio AirFiber कनेक्शन 50 दिवसांसाठी मोफत मिळेल. 50 दिवसांची ऑफर संपल्यानंतर, ग्राहकांना 599 रुपयांच्या पोस्टपेड प्लॅनवर शिफ्ट केले जाईल.
जिओच्या या ऑफरचा उद्देश ग्राहकांना महागडे प्लॅन्स घेण्यासाठी प्रोत्साहित करणे आहे. तसेच, जिओ हॉटस्टार प्लॅटफॉर्मचा प्रचार करण्याचे काम देखील ही ऑफर करत आहे. कारण या प्लॅटफॉर्मवर JioCinema आणि Disney+ Hotstar या दोन्ही प्लॅटफॉर्म्सवरील चित्रपट आणि इतर शो उपलब्ध आहेत.
हेही वाचा :
एखाद्या व्यक्तीला किती वेळा Heart Attack येऊ शकतो?
आपल्या माशूकासोबत गप्पा मारत होता नवरा तितक्यात बायको आली अन्… ; Video Viral
स्वतःहून अमेरिका सोडा अन् 1000 डॉलर मिळवा; ट्रम्प सरकारची अवैध प्रवाशांना खास ऑफर
