मोठा पगार असूनही बँकेकडून (attention)कर्ज नाकारले जात असल्याच्या तक्रारी अलीकडे वाढताना दिसत आहेत. अनेकांना वाटते की चांगली कमाई म्हणजे कर्ज मिळणे सोपे, मात्र प्रत्यक्षात बँका फक्त पगारावर नाही तर इतर अनेक आर्थिक घटकांवर आधारित निर्णय घेतात. त्यामुळे उच्च उत्पन्न असूनही कर्ज नाकारले जाण्याची शक्यता निर्माण होते.
यामध्ये सर्वात महत्त्वाचा(attention) मुद्दा म्हणजे क्रेडिट स्कोअर. जर तुमचा सिबिल स्कोअर कमी असेल किंवा पूर्वीचे कर्ज वेळेवर फेडले नसतील, तर बँका जोखीम टाळण्यासाठी कर्ज देण्यास नकार देतात. त्याचप्रमाणे, तुमच्यावर आधीच असलेली कर्जाची जबाबदारी देखील मोठा अडथळा ठरू शकते. तुमच्या उत्पन्नाच्या तुलनेत जास्त EMI असल्यास बँकांना वाटते की नवीन कर्ज फेडणे कठीण जाईल.नोकरीची स्थिरता हा आणखी एक महत्त्वाचा घटक आहे. वारंवार नोकरी बदलणे किंवा प्रोबेशन पिरियडमध्ये असणे यामुळे बँकांचा विश्वास कमी होतो.
त्याचबरोबर, आयकर रिटर्न, (attention)बँक स्टेटमेंट किंवा इतर कागदपत्रांमध्ये विसंगती आढळल्यास देखील अर्ज नाकारला जाऊ शकतो.तज्ज्ञांच्या मते, कर्ज मिळवण्यासाठी फक्त जास्त पगार पुरेसा नसून आर्थिक शिस्त, वेळेवर हप्ते भरणे, स्थिर नोकरी आणि स्वच्छ आर्थिक इतिहास असणे तितकेच आवश्यक आहे. त्यामुळे कर्जासाठी अर्ज करण्यापूर्वी या सर्व गोष्टी व्यवस्थित ठेवणे गरजेचे ठरत आहे.