आजकाल कुणाचं कधी काय होईल ते सांगता येत नाही. सध्या अकाली मृत्यूचे प्रमाण फार वाढले आहे. याचे प्रचिती दिवसेंदिवस सोशल मीडियावरही मिळू लागली आहे. मागील काही काळापासून सोशल मीडियावर अशा अकाली मृत्यूच्या (heart attack)घटनांचे अनेक व्हिडिओज शेअर करण्यात आले आणि ते व्हायरलही झाले. अशातच आता यात आणखीन एका घटनेचा समावेश झाला आहे.
उत्तर प्रदेशमधील एका हृदयद्रावक घटना सध्या सोशल मीडियावर धुमाकूळ माजवत आहे. यात लग्नाच्या आदल्या दिवशीच वधूला हृदयविकाराचा झटका इलायची घटना घडून आली आहे. वधूच्या लग्नसमारंभाचे व्हिडिओ आणि फोटोज आता सोशल मीडियावर व्हायरल झाले आहेत.
लग्नाच्या एक दिवस आधी रविवारी हळदी समारंभात नाचत असताना वधूचा हृदयविकाराच्या(heart attack) झटक्याने मृत्यू झाला. या घटनेनंतर दोन्ही कुटुंबांमध्ये शोककळा पसरली. ज्या दिवशी लग्नाची डोली उठणार त्याच दिवशी नवरीची अंत्ययात्रा उठली जे पाहून सर्वांचेच डोळे पाणावले. माहितीनुसार, सोमवारी मुरादाबादहून लग्नाची मिरवणूक निघणार होती.
इस्लामनगर पोलिस स्टेशन परिसरातील नूरपूर पिनोनी गावातील रहिवासी इलेक्ट्रिशियन दिनेश पाल सिंग यांची २० वर्षीय मुलगी दीक्षा हिचे लग्न मुरादाबादमधील शिवपुरी येथील रहिवासी मदनलाल यांचा मुलगा सौरभ याच्याशी झाले होते. सोमवारी शिवपुरीहून लग्नाची मिरवणूक निघणार होती. रविवारी रात्री मेहंदीचा कार्यक्रम चालू होता. दीक्षाच्या मैत्रिणींनी तिला नाचण्यासाठी बोलावले.
मित्र-मत्रिणी, कुटुंबासह ती आनंदाने नाचत होती. यादरम्यान रात्री १.३० च्या सुमारास दीक्षा नाचत असताना पडली. तिची प्रकृती अचानक बिघडली. तिला पोटात आणि छातीत तीव्र वेदना जाणवू लागल्या, त्यानंतर काही वेळातच ती मृत्यू पावली. क्षणार्धात लग्नातील आनंदाचे रूपांतर शोकात झाले.
"शादी की खुशियां मातम में बदली"
— MANOJ SHARMA LUCKNOW UP🇮🇳🇮🇳🇮🇳 (@ManojSh28986262) May 5, 2025
उत्तर प्रदेश के बदायूं जिले में शादी से एक दिन पहले युवती की हृदय गति रुकने से मौत हो गयी। परिवार के सदस्यों ने बताया कि रविवार देर रात तक हल्दी की रस्म के दौरान डांस कर रही दीक्षा (22) की अचानक तबीयत बिगड़ गयी, जिसके बाद वह शौचालय गयी, जहां हृदय… pic.twitter.com/lkIruvIamc
जेव्हा वराच्या कुटुंबाला हे कळले तेव्हा भावी सासरच्या घरातही शोककळा पसरली. दीक्षाच्या मृत्यूनंतर, कुटुंबातील सदस्यांनी सांगितले की तिच्या हृदयाचे वॉल्व कमकुवत आहेत, त्यांच्यावर दिल्लीत उपचार झाले. ती बरी झाल्यानंतरच तिचे लग्न करण्याचा निर्णय घेण्यात आला होता. मात्र ऐनलग्नावेळी मुलीच्या अशा मृत्यूने संपूर्ण कुटुंब खचून गेले आहे.
हेही वाचा :
लग्नाच्या 7 वर्षांनंतर अनुभवलं मातृत्व, सागरिका घाटगेने शेअर केले फोटो
ईडन गार्डन्सवर आज घमासान! धोनी आर्मी करणार KKR सोबत दोन हात..
वाइन, चॉकलेट, बिस्किटे…, मुक्त व्यापारामुळे ‘या’ वस्तू होणार स्वस्त; दोन्ही देशांमधील करार काय होता?
