अद्याप मान्सून महाराष्ट्रात दाखल झाला नसतानाही राज्यभरात वादळी(arrived) पावसाचे आगमन झाले आहे. कोकण, मराठवाडा, विदर्भ आणि मध्य महाराष्ट्रात अनेक ठिकाणी जोरदार वाऱ्यांसह पाऊस आणि गारपिटीचा अनुभव नागरिकांनी घेतला आहे. हवामान विभागानं दिलेल्या इशाऱ्यानुसार पुढील ४८ तास अतिशय महत्त्वाचे ठरणार असून, राज्यातील विविध भागांमध्ये ऑरेंज आणि यलो अलर्ट जारी करण्यात आले आहेत. हवामान खात्याच्या अंदाजानुसार, अरबी समुद्रात सक्रिय झालेल्या कमी दाबाच्या पट्ट्यामुळे पावसास पोषक वातावरण निर्माण झाले आहे. त्यामुळे मध्य महाराष्ट्रासह मराठवाड्यात वादळी पावसाचा इशारा देण्यात आला आहे. कोकण आणि विदर्भात यलो अलर्ट आहे.
मुंबई, ठाणे आणि पालघर या भागात ताशी ३०-४० किमी वेगाने वारे वाहण्याचा इशारा हवामान विभागानं दिला आहे. सकाळचे काही तास वगळता दिवसभर अंशतः ढगाळ हवामान राहणार असून, वादळी पावसामुळे वाहतुकीत अडथळे येण्याची शक्यता आहे. नागरिकांना घराबाहेर पडताना काळजी घेण्याचा सल्ला दिला आहे.(arrived)रायगड, रत्नागिरी, सिंधुदुर्ग, तसेच पुणे, सातारा या भागांमध्येही अचानक वादळी पावसाचा धोका असल्यामुळे स्थानिक प्रशासन सज्ज ठेवण्यात आले आहे. या हवामान बदलामुळे शेतपिकांचे मोठ्या प्रमाणावर नुकसान झाल्याचेही वृत्त आहे.
मध्य महाराष्ट्र व मराठवाड्यात गारपिटीमुळे डाळिंब, द्राक्ष, कांदा आणि भाजीपाला पिकाचे नुकसान झाले आहे. नाशिक, औरंगाबाद, बीड, परभणी या जिल्ह्यांमध्ये नुकसानग्रस्त शेतकऱ्यांकडून भरपाईची मागणी करण्यात येत आहे. अवकाळी पावसामुळे आतापर्यंत राज्यात ४ मृत्यू झाले असून, अनेक जनावरांचाही मृत्यू झाल्याचे वृत्त आहे.(arrived)हवामान विभागानुसार अंदमान-निकोबार बेटांवर मान्सूनचे आगमन सुरू झालं असून, यानंतर पुढील काही दिवसांत तो महाराष्ट्राच्या दिशेने सरकेल. ६ जूनच्या सुमारास मान्सून राज्यात दाखल होण्याची शक्यता वर्तवण्यात आली आहे. राज्यात सध्या निर्माण झालेलं हवामान मान्सूनपूर्व पावसासाठी पोषक असून, पुढील काही दिवस हवामानात चढ-उतार राहतील. नागरिकांनी आणि शेतकऱ्यांनी हवामान खात्याच्या सूचना लक्षात ठेवून काळजी घ्यावी, असं आवाहन प्रशासनाकडून करण्यात आलं आहे.
हेही वाचा :
BMC निवडणुकीच्या तोंडावर उद्धव ठाकरेंना मोठा धक्का
स्था. स्व. संस्था निवडणुका जे राज्यात, तेच कोल्हापुरात राजकीय प्रवाह बदलले
‘या’ जिल्ह्यांना वादळी पाऊस अन् गारपिटीचा इशारा, सतर्कतेसाठी IMD कडून अलर्ट जारी
Virat Kohali ने तडकाफडकी जाहीर केली निवृत्ती; भारतीय क्रिकेट चाहत्यांना सर्वात मोठा धक्का
उर्वरित आयपीएलचे सामने कधी सुरू होणार? बीसीसीआयने सांगितली तारीख
राजस्थान रॉयल्सला मोठा धक्का, स्टार खेळाडू आयपीएल 2025 मधून बाहेर
