मौल्यवान धातूंच्या बाजारात आज मिश्र चित्र पाहायला मिळाले. 17 जून 2026 रोजी सराफा बाजार उघडताच सोन्याच्या किमतींमध्ये वाढ नोंदवली गेली, तर चांदीच्या दरात किंचित घसरण झाली. जागतिक आर्थिक घडामोडी, डॉलरमधील चढ-उतार आणि गुंतवणूकदारांच्या बदलत्या रणनीतींचा परिणाम सोने-चांदीच्या दरांवर दिसून येत आहे. मल्टी कमोडिटी एक्सचेंज (MCX) वर आज सोन्याचा दर प्रति 10 ग्रॅम 1.52 ते 1.53 लाख रुपयांच्या आसपास व्यवहार करत आहे. (gold and silver) यामुळे सोन्याने पुन्हा एकदा उच्चांकी पातळी गाठण्याचे संकेत दिले आहेत. दुसरीकडे, सलग दुसऱ्या सत्रात चांदीच्या किमतींमध्ये नरमाई दिसून आली असून तिचा दर 2.50 लाख रुपये प्रति किलोच्या खाली आला आहे.
देशातील प्रमुख शहरांमध्ये 24 कॅरेट सोन्याचा दर प्रति ग्रॅम सुमारे 15,000 ते 15,300 रुपयांच्या दरम्यान आहे. तर 22 कॅरेट सोन्याचे भाव 13,900 ते 14,500 रुपये प्रति ग्रॅमपर्यंत पोहोचले आहेत. चांदीचे दरही शहरानुसार बदलत असून बहुतांश बाजारांमध्ये ते 2.50 लाख ते 2.58 लाख रुपये प्रति किलोच्या आसपास आहेत. बाजारातील तज्ज्ञांच्या मते, सोन्या-चांदीच्या किमतींमध्ये होत असलेल्या चढ-उतारामागे अनेक जागतिक घटक कारणीभूत आहेत. अमेरिका आणि इराण यांच्यातील तणाव कमी होण्याच्या शक्यतेमुळे सुरक्षित गुंतवणुकीची मागणी काहीशी घटली आहे. (gold and silver) त्याचवेळी, अमेरिकन फेडरल रिझर्व्हच्या आगामी व्याजदर निर्णयाकडे जागतिक बाजाराचे लक्ष लागले आहे. डॉलर-रुपया विनिमय दरातील बदल, जागतिक आर्थिक परिस्थिती आणि महागाईबाबतच्या अपेक्षाही या दरांवर प्रभाव टाकत आहेत.
विक्रमी उच्चांकाजवळ पोहोचलेल्या सोन्याच्या किमतींमुळे गुंतवणूकदारांसमोर मोठा प्रश्न निर्माण झाला आहे. (gold and silver) अनेक तज्ज्ञ अजूनही सोन्याकडे दीर्घकालीन सुरक्षित गुंतवणुकीचा पर्याय म्हणून पाहत असले, तरी सध्याच्या उच्च दरांवर खरेदी करताना सावध भूमिका घेण्याचा सल्ला दिला जात आहे. चांदीमध्ये अलीकडील मोठ्या तेजी नंतर नफावसुली सुरू झाल्याचे संकेत मिळत असून पुढील काही दिवसांत जागतिक बाजारातील घडामोडी आणि फेडच्या निर्णयानुसार दोन्ही धातूंच्या किमतींची दिशा निश्चित होणार आहे.
हेही वाचा :
लाडक्या बहिणींसाठी मोठी अपडेट! मे महिन्याचे 1500 रुपये बँक खाते करा चेक?
