‘डॉ. आरंभी’ या मालिकेचं शूटिंग संपवून घरी परतत असलेल्या ज्युनियर आर्टिस्ट संजीब सिंह यांचं रविवारी (shoot)पहाटे निधन झालं. ते 51 वर्षांचे होते. ‘न्यूज 9’ने दिलेल्या वृत्तानुसार, संजीब यांना अचानक हृदयविकाराचा झटका आल्याने त्यांचं निधन झालं आहे. या घटनेनंतर चित्रपट आणि टेलिव्हिजन इंडस्ट्रीत काम करणाऱ्या कलाकारांच्या आरोग्याबद्दलची चिंता पुन्हा एकदा समोर आली आहे. मिळालेल्या माहितीनुसार, संजीब सिंह हे मुंबईतील साकीनाका इथल्या एसजे स्टुडिओमध्ये ‘डॉ. आरंभी’ या मालिकेचं शूटिंग करत होते. दुपारी दोन वाजता त्यांनी शूटिंगला सुरुवात केली होती आणि त्या दिवसाचं काम पहाटे 3 वाजताच्या सुमारास संपलं, अशी माहिती ‘फेडरेशन ऑफ वेस्टर्न इंडिया सिने एम्प्लॉइज’चे महासचिव अशोक दुबे यांनी दिली.
शूटिंगदरम्यान अस्वस्थ वाटल्याची तक्रार
शूटिंगदरम्यान संजीब यांनी अस्वस्थ वाटत असल्याची तक्रार केली होती आणि विश्रांतीसाठी(shoot) ते मधे मधे छोटे ब्रेकही घेत होते. शूटिंग पूर्ण झाल्यावर ते मोटरसायकलवरून घराकडे निघाले होते. घरी जात असताना गाडीत पेट्रोल भरण्यासाठी ते एका पेट्रोल पंपावर थांबले होते. तिथेच त्यांना हृदयविकाराचा झटका आला आणि ते कोसळले. संजीब सिंह यांच्या पश्चात बहीण आणि भाऊ असा परिवार असून ते कोलकातामध्ये राहतात.
आर्थिक मदतीसाठी प्रयत्न
अशोक दुबे यांनी सांगितलं की, त्यांच्या बहिणीचा घटस्फोट झाला आहे आणि(shoot) भाऊ आजारी आहे. संजीब यांच्या मृतदेहाचं कूपर रुग्णालयात शवविच्छेदन करण्यात आलं. त्यांच्या कुटुंबाला आर्थिक मदत करण्यासाठी पुढाकार घेतला असून अंतिम संस्कारासाठी त्यांचं पार्थिव कोलकाता इथं नेण्याची व्यवस्था केली जात आहे. एफडब्ल्यूआयसीईचे महासचिव अशोक दुबे यांनी मालिकेचे निर्माते मल्हार क्रिएशन्सच्या प्रतिनिधींशी संपर्क साधला आहे. त्यांनी निर्मात्यांना सिंह यांच्या कुटुंबासाठी आर्थिक मदतीचं आवाहन केलं आहे. प्रॉडक्शन हाऊसने कामगारांच्या सुरक्षिततेची जबाबदारी घेतली पाहिजे, ज्यात त्यांच्या कामासाठीच्या प्रवासाचाही समावेश आहे, असंही ते म्हणाले. ज्युनियर आर्टिस्टचे पुरवठादार रवींद्र सुरी यांनीही त्यांच्या कुटुंबाला सर्वतोपरी मदत करण्याचं आश्वासन दिलं आहे.
संजीब सिंह यांच्या निधनामुळे टेलिव्हिजन(shoot) आणि चित्रपट क्षेत्रातील कामगारांना अनेकदा सामोरं जाव्या लागणाऱ्या दीर्घ आणि व्यस्त कामाच्या वेळापत्रकाकडे पुन्हा लक्ष वेधलं गेलं आहे. अशोक दुबे यांनी अशीही माहिती दिली की, जवळपास महिनाभरापूर्वी युनियन निवडणुका जिंकल्यानंतर सिंह यांची ज्युनियर आर्टिस्ट कमिटीवर निवड झाली होती. दरम्यान संजीब सिंह यांच्या कुटुंबाला नुकसान भरपाई मिळावी यासाठी प्रॉडक्शन हाऊसला पत्र लिहिण्याची शक्यता आहे.
हेही वाचा :
कमी वयात केस पांढरे होतायेत? 5 कारणे ठरू शकतात जबाबदार?
क्रिकेट विश्वात खळबळ इंग्लंड पराभवानंतर गंभीरसमोर ‘संजू’च्या घोषणा?
पंतप्रधान मोदींना इंडोनेशियाचा सर्वोच्च नागरी सन्मान प्रदान?
